ಇಂಟರ್‌ಗ್ಲೋಬ್‌ ಏವಿಯೇಷನ್‌ ಷೇರು ಕುಸಿತ

ನವದೆಹಲಿ: ವಿಮಾನ ಯಾನ ಸಂಸ್ಥೆ ಇಂಡಿಗೊದ ಒಡೆತನ ಹೊಂದಿರುವ ಇಂಟರ್‌ಗ್ಲೋಬ್‌ ಏವಿಯೇಷನ್‌ ಸಂಸ್ಥೆಯ ಷೇರು ಬೆಲೆ ಸತತ ಎರಡನೆ ದಿನವೂ ಕುಸಿತ ಕಂಡಿದೆ.

ಸಹ ಪ್ರವರ್ತಕರಾದ ರಾಕೇಶ್‌ ಗಂಗ್ವಾಲ್‌ ಮತ್ತು ರಾಹುಲ್‌ ಭಾಟಿಯಾ ಅವರ ನಡುವೆ ಉದ್ಭವಿಸಿರುವ ಭಿನ್ನಾಭಿ
ಪ್ರಾಯದ ಕಾರಣಕ್ಕೆ ಷೇರುಗಳ ಬೆಲೆ ಕುಸಿತ ಕಾಣುತ್ತಿದೆ.

ಗುರುವಾರದ ವಹಿವಾಟಿನಲ್ಲಿ ಪ್ರತಿ ಷೇರು ಬೆಲೆ ಶೇ 3.07ರಷ್ಟು ಕಡಿಮೆಯಾಗಿ ₹ 1,354.85ಕ್ಕೆ ಇಳಿಯಿತು. ಸಹ ಸ್ಥಾಪಕ ರಾಹುಲ್‌ ಭಾಟಿಯಾ ಅವರಿಂದ ಗಂಭೀರ ಸ್ವರೂಪದ ಆಡಳಿತಾತ್ಮಕ ವೈಫಲ್ಯಗಳು ಘಟಿಸಿರುವುದರಿಂದ ಸಮಸ್ಯೆಗಳನ್ನು ಬಗೆಹರಿಸುವಂತೆ ರಾಕೇಶ್‌ ಅವರು ‘ಸೆಬಿ’ಗೆ ಮನವಿ ಮಾಡಿಕೊಂಡಿದ್ದಾರೆ.