ಕೋಟಕ್‌ನಿಂದ ಟೆಸ್ಲಾ ವಾಹನ ಖರೀದಿಗೆ ಸಾಲ

ನವದೆಹಲಿ: ಕೋಟಕ್‌ ಸಮೂಹದ ಕೋಟಕ್‌ ಮಹೀಂದ್ರ ಪ್ರೈಮ್‌ (ಕೆಎಂಪಿಎಲ್‌) ಟೆಸ್ಲಾ ಕಂಪನಿಯ ವಿದ್ಯುತ್‌ಚಾಲಿತ ವಾಹನಗಳ ಖರೀದಿಗೆ ಸಾಲ ನೀಡಲಿದೆ.

‘ಕೋಟಕ್‌ ಮಹೀಂದ್ರ ಪ್ರೈಮ್‌, ಭಾರತದಲ್ಲಿನ ಟೆಸ್ಲಾ ಕಂಪನಿಯ ವಾಹನಗಳಿಗೆ ಸಾಲ ನೀಡಲು ಹಣಕಾಸುದಾರನಾಗಿ ನೇಮಕಗೊಂಡ ಮೊದಲಿಗ’ ಎಂದು ಕಂಪನಿ ತಿಳಿಸಿದೆ. 

ಟೆಸ್ಲಾ ಇ.ವಿ ಖರೀದಿದಾರರಿಗೆ ಕೆಎಂಪಿಎಲ್ ವಿಶೇಷವಾಗಿ ಕ್ಯುರೇಟೆಡ್ ಕಾರು ಹಣಕಾಸು ನೆರವು ನೀಡಲಿದೆ. ಖರೀದಿದಾರರು ಟೆಸ್ಲಾದ ಇಂಡಿಯಾ ಪೋರ್ಟಲ್/ಮೊಬೈಲ್ ಅಪ್ಲಿಕೇಶನ್‌ನಲ್ಲಿ ಕೆಎಂಪಿಎಲ್‌ನ ಸಾಲದ ಆಯ್ಕೆಗಳನ್ನು ಪರಿಶೀಲಿಸಬಹುದಾಗಿದೆ ಎಂದು ಹೇಳಿದೆ.