ತಯಾರಿಕಾ ವಲಯದ ಚಟುವಟಿಕೆ ಹೆಚ್ಚಳ

ನವದೆಹಲಿ: ತಯಾರಿಕಾ ವಲಯದ ಚಟುವಟಿಕೆಯು ಸೆಪ್ಟೆಂಬರ್‌ನಲ್ಲಿ ಏರಿಕೆ ಕಂಡಿದೆ ಎಂದು ನಿಕೇಯ್‌ ಇಂಡಿಯಾ ಸಂಸ್ಥೆ ವರದಿ ನೀಡಿದೆ.

ತಯಾರಿಕಾ ವಲಯದ ಪ್ರಗತಿ ಸೂಚಿಸುವ ಪರ್ಚೇಸಿಂಗ್‌ ಮ್ಯಾನೇಜರ್ಸ್‌ ಇಂಡೆಕ್ಸ್‌ (ಪಿಎಂಐ) 51.7 ರಿಂದ 52.2ಕ್ಕೆ ಏರಿಕೆಯಾಗಿದೆ. ತಯಾರಿಕೆಯಲ್ಲಿ ಹೆಚ್ಚಳ,ಹೊಸ ಯೋಜನೆಗಳಿಂದಾಗಿ ಈ ಪ್ರಗತಿ ಸಾಧ್ಯವಾಗಿದೆ ಎಂದು ಹೇಳಿದೆ.

ಸೆಪ್ಟೆಂಬರ್‌ ತಿಂಗಳ ಸೇವಾ ವಲಯದ ಪ್ರಗತಿ ಸೂಚ್ಯಂಕ 51.5ರಿಂದ 50.9ಕ್ಕೆ ಇಳಿಕೆಯಾಗಿದೆ.ಇಂಧನ ದರ ಗರಿಷ್ಠ ಮಟ್ಟದಲ್ಲಿರುವುದು ಹಾಗೂ ಆಮದಾಗಿರುವ ಸರಕುಗಳ ಬೆಲೆ ಹೆಚ್ಚಾಗಿರುವುದರಿಂದ ಮಂದಗತಿಯ ಬೆಳವಣಿಗೆ ಸಾಧಿಸಿದೆ ಎಂದು ನಿಕೇಯ್ ಇಂಡಿಯಾ ತಿಳಿಸಿದೆ.