ಮೀಶೊ ಆಫರ್ ಸೇಲ್: ಒಂದೇ ದಿನದಲ್ಲಿ 88 ಲಕ್ಷ ಆರ್ಡರ್, ಶೇ 80ರಷ್ಟು ಏರಿಕೆ!
ಮೀಶೊ ಹಬ್ಬದ ವಿಶೇಷ ಮಾರಾಟದಲ್ಲಿ ಭರ್ಜರಿ ಆರ್ಡರ್ ದಾಖಲೆ
ನವದೆಹಲಿ: ಸಾಫ್ಟ್‌ಬ್ಯಾಂಕ್ ಹೂಡಿಕೆ ಹೊಂದಿರುವ ಇ ಕಾಮರ್ಸ್ ತಾಣ ಮೀಶೊ, ಹಬ್ಬದ ವಿಶೇಷ ಮಾರಾಟದ ಅವಧಿಯಲ್ಲಿ ಶೇ 80ರಷ್ಟು ಏರಿಕೆ ದಾಖಲಿಸಿದೆ.
ವಿಶೇಷ ಕೊಡುಗೆ ಮಾರಾಟದ ಮೊದಲ ದಿನವಾದ ಶನಿವಾರ ಮೀಶೊದಲ್ಲಿ 87.6 ಲಕ್ಷ ಆರ್ಡರ್ ಪಡೆದುಕೊಂಡಿದೆ. ಐದು ದಿನ ನಡೆಯುವ ಆಫರ್ ಸೇಲ‌್‌ನ ಮೊದಲ ದಿನವೇ ಅತ್ಯುತ್ತಮ ಪ್ರತಿಕ್ರಿಯೆ ಕಂಡುಬಂದಿದೆ ಎಂದು ಕಂಪನಿ ಹೇಳಿದೆ.
ಮೀಶೊ ಮೆಗಾ ಬ್ಲಾಕ್‌ಬಸ್ಟರ್ ಸೇಲ್‌ನಲ್ಲಿ ಎರಡು, ಮೂರು ಮತ್ತು ನಾಲ್ಕನೇ ಹಂತದ ನಗರಗಳಿಂದ ಈ ಬಾರಿ ಹೆಚ್ಚಿನ ಆರ್ಡರ್ ಬಂದಿದೆ. ಅಲ್ಲದೆ, ಕಳೆದ ವರ್ಷದ ಆರ್ಡರ್‌ಗೆ ಹೋಲಿಸಿದರೆ ಶೇ 80ರಷ್ಟು ಏರಿಕೆ ದಾಖಲಾಗಿದೆ ಎಂದು ಕಂಪನಿ ತಿಳಿಸಿದೆ.
6.5 ಕೋಟಿಗೂ ಅಧಿಕ ಉತ್ಪನ್ನಗಳನ್ನು ಕಡಿಮೆ ಬೆಲೆಗೆ ಒದಗಿಸಲಾಗುತ್ತಿದೆ. ಫ್ಯಾಶನ್, ಗೃಹ ಬಳಕೆಯ ಉತ್ಪನ್ನ, ಎಲೆಕ್ಟ್ರಾನಿಕ್ಸ್, ಅಡುಗೆ ಮನೆಯ ಸಲಕರಣೆಗಳು ಸಹಿತ ವಿವಿಧ ಉತ್ಪನ್ನಗಳನ್ನು ಮೀಶೊ ಗ್ರಾಹಕರಿಗೆ ನೀಡುತ್ತದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.