ಯುಎಇ, ಸಿಂಗಪುರ, ಫ್ರಾನ್ಸ್‌ನಲ್ಲೂ ಪೇಟಿಎಂ ಬಳಕೆ

ನವದೆಹಲಿ: ಪೇಟಿಎಂ ಆ್ಯಪ್‌ ಬಳಕೆದಾರರು ಆಯ್ದ ದೇಶಗಳಲ್ಲಿ ಯುಪಿಐ ಮೂಲಕ ವಹಿವಾಟು ನಡೆಸಬಹುದಾಗಿದೆ ಎಂದು ಪೇಟಿಎಂನ ಮಾತೃಸಂಸ್ಥೆ ಒನ್‌97 ಕಮ್ಯುನಿಕೇಷನ್‌ ಮಂಗಳವಾರ ತಿಳಿಸಿದೆ.

ಅರಬ್‌ ಸಂಯುಕ್ತ ಸಂಸ್ಥಾನ (ಯುಎಇ), ಸಿಂಗಪುರ, ಫ್ರಾನ್ಸ್‌, ಮಾರಿಷಷ್‌, ಭೂತಾನ್‌ ಮತ್ತು ನೇಪಾಳದಲ್ಲಿ ಪೇಟಿಎಂ ಆ್ಯಪ್‌ ಬಳಕೆದಾರರು ಶಾಪಿಂಗ್, ಹೋಟೆಲ್‌ ಸೇರಿ ನಗದು ರಹಿತ ಪಾವತಿ ಮಾಡಬಹುದಾಗಿದೆ. ವಿದೇಶಕ್ಕೆ ತೆರಳುವ ಬಳಕೆದಾರರಿಗೆ ಇದರಿಂದ ಹೆಚ್ಚು ಅನುಕೂಲವಾಗಲಿದೆ ಎಂದು ಕಂಪನಿ ತಿಳಿಸಿದೆ.