ರೆಪೊ ದರ ಏರಿಕೆಯ ಸಮಯ ಅಚ್ಚರಿ ಮೂಡಿಸಿದೆ: ನಿರ್ಮಲಾ

ಮುಂಬೈ: ರೆಪೊ ದರ ಏರಿಕೆಯು ಅಚ್ಚರಿ ಮೂಡಿಸಿಲ್ಲ, ಆದರೆ ದರ ಏರಿಕೆ ಮಾಡಿದ ಸಮಯವು ಅನಿರೀಕ್ಷಿತವಾಗಿದೆ ಎಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಪ್ರತಿಕ್ರಿಯೆ ನೀಡಿದ್ದಾರೆ.

ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು, ಹಣಕಾಸು ನೀತಿ ಸಮಿತಿಯ ಎರಡು ಸಭೆಗಳ ನಡುವೆ ಬಡ್ಡಿದರ ಏರಿಕೆ ನಿರ್ಧಾರ ತೆಗೆದುಕೊಂಡಿರುವುದು ಅಚ್ಚರಿ ಮೂಡಿಸಿದೆ ಎಂದಿದ್ದಾರೆ.

ಬಡ್ಡಿದರ ಏರಿಕೆಯು ಸರ್ಕಾರದ ಉದ್ದೇಶಿತ ಮೂಲಸೌಕರ್ಯ ಹೂಡಿಕೆಗಳ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂದೂ ಅವರು ಹೇಳಿದ್ದಾರೆ.