ರಿಲಯನ್ಸ್ ಡಿಜಿಟಲ್‌ನಲ್ಲಿ ವಿನಾಯಿತಿಯ ಕೊಡುಗೆ
ಬೆಂಗಳೂರು: ಗಣರಾಜ್ಯೋತ್ಸವದ ಸಂದರ್ಭದಲ್ಲಿ ನಡೆಯುವ ‘ಡಿಜಿಟಲ್ ಇಂಡಿಯಾ ಸೇಲ್’ ಕಾರ್ಯಕ್ರಮಕ್ಕಾಗಿ ರಿಲಯನ್ಸ್ ಡಿಜಿಟಲ್ ಕಂಪನಿಯು ಬುಕಿಂಗ್–ಪೂರ್ವ ಕೊಡುಗೆಗಳನ್ನು ಪ್ರಕಟಿಸಿದೆ. ‘ಈ ವರ್ಷದ ಕೊಡುಗೆಗಳು ಹೆಚ್ಚು ದೊಡ್ಡದಾಗಿವೆ, ಉತ್ತಮವಾಗಿವೆ’ ಎಂದು ಕಂಪನಿ ಹೇಳಿಕೊಂಡಿದೆ.
ಬುಕಿಂಗ್–ಪೂರ್ವ ಅವಧಿಯು ಸೋಮವಾರದಿಂದ ಬುಧವಾರದವರೆಗೆ ಇರಲಿದ್ದು, ಗ್ರಾಹಕರು ₹ 1000 ಪಾವತಿಸಿ ತಮ್ಮ ಇಷ್ಟದ ಎಲೆಕ್ಟ್ರಾನಿಕ್‌ ವಸ್ತುಗಳನ್ನು ಬುಕ್ ಮಾಡಬಹುದು. ಹೀಗೆ ಮಾಡುವ ಮೂಲಕ ಅವರು, ‘ಡಿಜಿಟಲ್ ಇಂಡಿಯಾ ಸೇಲ್’ ಅವಧಿಯಲ್ಲಿ ಹೆಚ್ಚುವರಿಯಾಗಿ ₹ 1000 ವಿನಾಯಿತಿ ಪಡೆದುಕೊಳ್ಳಬಹುದು ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.
₹ 2000 ಪಾವತಿಸಿ ಬುಕಿಂಗ್–ಪೂರ್ವ ಅವಧಿಯಲ್ಲಿ ಬುಕ್ ಮಾಡಿದರೆ, ಇತರ ಎಲ್ಲ ಕೊಡುಗೆಗಳ ಜೊತೆಯಲ್ಲಿ ಹೆಚ್ಚುವರಿಯಾಗಿ ₹ 2000 ವಿನಾಯಿತಿ ಸಿಗಲಿದೆ. ಈ ಕೊಡುಗೆಗಳು ಜನವರಿ 22ರಿಂದ 26ರವರೆಗೆ ನಡೆಯುವ ‘ಡಿಜಿಟಲ್ ಇಂಡಿಯಾ ಸೇಲ್’ ಕಾರ್ಯಕ್ರಮದಲ್ಲಿ ಲಭ್ಯವಿರಲಿವೆ.
ರಿಲಯನ್ಸ್ ಡಿಜಿಟಲ್ ಮಳಿಗೆಗಳಲ್ಲಿ, ಮೈಜಿಯೊ ಸ್ಟೋರ್‌ನಲ್ಲಿ ಹಾಗೂ ಆನ್‌ಲೈನ್‌ ಮಾರಾಟ ಮಳಿಗೆಯಾದ www.reliancedigital.inನಲ್ಲಿ ಈ ಕೊಡುಗೆ ಲಭ್ಯವಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.