ರೂಪಾಯಿ ಚೇತರಿಕೆ

ನವದೆಹಲಿ: ಡಾಲರ್‌ ಎದುರಿನ ರೂಪಾಯಿ ವಿನಿಮಯ ದರವು ಮಂಗಳವಾರದ ವಹಿವಾಟಿನಲ್ಲಿ 35 ಪೈಸೆಗಳಷ್ಟು ಏರಿಕೆ ಕಂಡು 73.48ಕ್ಕೆ ತಲುಪಿದೆ.

ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ದರ ಇಳಿಯುತ್ತಿರುವುದು ಮತ್ತು ವ್ಯಾಪಾರ ಕೊರತೆಯ ಅಂತರ ತಗ್ಗುತ್ತಿರುವುದರಿಂದ ರೂಪಾಯಿ ಬೆಲೆ ಚೇತರಿಕೆ ಕಾಣುತ್ತಿದೆ. ವಿದೇಶಿ ಬಂಡವಾಳದ ಒಳಹರಿವು ಮತ್ತು ಇತರ ಕರೆನ್ಸಿಗಳ ಎದುರು ಡಾಲರ್‌ ದುರ್ಬಲಗೊಂಡಿರುವುದೂ ರೂಪಾಯಿ ಬೆಲೆ ಏರಿಕೆಗೆ ನೆರವಾಗಿದೆ.