‘ಹೂಡಿಕೆ ಮಾಡದ್ದರಿಂದ ಇಂಧನ ಬೆಲೆ ಹೆಚ್ಚಳ’

ರಿಯಾದ್ (ರಾಯಿಟರ್ಸ್): ಕಚ್ಚಾ ತೈಲ ಸಂಸ್ಕರಣೆಯ ಸಾಮರ್ಥ್ಯ ಹೆಚ್ಚಿಸಲು ಹೂಡಿಕೆ ಮಾಡದ ಕಾರಣದಿಂದಾಗಿ ಕಚ್ಚಾ ತೈಲ ಹಾಗೂ ವಿಮಾನ ಇಂಧನ, ಡೀಸೆಲ್ ಬೆಲೆಗಳ ನಡುವೆ ಬಹಳ ವ್ಯತ್ಯಾಸ ಇದೆ ಎಂದು ಸೌದಿ ಅರೇಬಿಯಾದ ಇಂಧನ ಸಚಿವ ರಾಜಕುಮಾರ ಅಬ್ದುಲ್‌ಅಜೀಜ್ ಬಿನ್ ಸಲ್ಮಾನ್ ಹೇಳಿದ್ದಾರೆ.‌

‘ಇಂಧನಗಳ ಬೆಲೆಯು ಭಾರಿ ಏರಿಕೆ ಕಂಡಿದೆ. ಕಚ್ಚಾ ತೈಲದ ಬೆಲೆ ಹಾಗೂ ತೈಲೋತ್ಪನ್ನಗಳ ಬೆಲೆಯ ನಡುವೆ ಕೆಲವೆಡೆ ಶೇಕಡ 60ರಷ್ಟು ವ್ಯತ್ಯಾಸವಿದೆ’ ಎಂದು ಅವರು ಕಾರ್ಯಕ್ರಮವೊಂದರಲ್ಲಿ ಹೇಳಿದ್ದಾರೆ.