ಎಸ್‌ಬಿಐ: ಸ್ಥಿರ ಠೇವಣಿ ಬಡ್ಡಿ ದರಗಳಲ್ಲಿ ಕಡಿತ
Published 15 ಜನವರಿ 2020, 20:00 IST
ಎಸ್‌ಬಿಐ
ಮುಂಬೈ : ಸ್ಟೇಟ್ ಬ್ಯಾಂಕ್‌ ಆಫ್‌ ಇಂಡಿಯಾ (ಎಸ್‌ಬಿಐ), ತನ್ನಕೆಲ ನಿರ್ದಿಷ್ಟ ಅವಧಿಯ ಠೇವಣಿಗಳ ಮೇಲಿನ ಬಡ್ಡಿ ದರಗಳನ್ನುಶೇ 0.15ರಷ್ಟು ಕಡಿಮೆ ಮಾಡಿದೆ.
₹ 2 ಕೋಟಿಗಿಂತ ಕಡಿಮೆ ಮೊತ್ತದ ಸ್ಥಿರ ಠೇವಣಿಗಳಿಗೆ ಹೊಸ ಬಡ್ಡಿ ದರಗಳು ಈ ತಿಂಗಳ 10ರಿಂದಲೇ ಅನ್ವಯವಾಗಲಿವೆ. ಒಂದು ವರ್ಷದಿಂದ 10 ವರ್ಷಗಳವರೆಗಿನ ಠೇವಣಿಗಳ ಬಡ್ಡಿ ದರವನ್ನು ಶೇ 6.25ರಿಂದ ಶೇ 6.10ಕ್ಕೆ ಇಳಿಸಿದೆ. ಹಿರಿಯ ನಾಗರಿಕರಿಗೆ ಶೇ 0.50ರಷ್ಟು ಹೆಚ್ಚುವರಿ ಬಡ್ಡಿ ದರ ನೀಡಲಾಗುವುದು.
ಹಿಂದಿನ ತಿಂಗಳು ಬ್ಯಾಂಕ್‌ ತನ್ನ ಬಾಹ್ಯ ಮಾನದಂಡ (ಇಬಿಆರ್‌) ಆಧರಿಸಿದ ವಾರ್ಷಿಕ ಬಡ್ಡಿ ದರವನ್ನು ಶೇ 8.05 ರಿಂದ ಶೇ 7.80 (ಶೇ 0.25) ಇಳಿಸಿತ್ತು. ಇದರಿಂದಾಗಿ ಬ್ಯಾಂಕ್‌ನ ಗೃಹ ಸಾಲ ಬಡ್ಡಿ ದರ ಶೇ 7.90ಕ್ಕೆ ಇಳಿದಿದೆ. 2019ರ ಜುಲೈನಿಂದ ಬ್ಯಾಂಕ್‌ ಬದಲಾಗುವ ಬಡ್ಡಿ ದರ ಗೃಹ ಸಾಲ ಪರಿಚಯಿಸಿದೆ.
| ಅವಧಿ | ಬಡ್ಡಿ ದರ (%) |
| 7 ದಿನಗಳಿಂದ 45 ದಿನ | 4.50 |
| 46 ದಿನಗಳಿಂದ 179 ದಿನ | 5.50 |
| 180 ದಿನಗಳಿಂದ ಒಂದು ವರ್ಷ | 5.80 |
| 1 ವರ್ಷದಿಂದ 10 ವರ್ಷ | 6.10* |
| * ಹಿರಿಯ ನಾಗರಿಕರಿಗೆ | 6.60 |
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.