ಸಾಲದ ಬಡ್ಡಿದರ ಶೇ 0.10ರಷ್ಟು ಹೆಚ್ಚಿಸಿದ ಎಸ್‌ಬಿಐ

ಬೆಂಗಳೂರು: ಸರ್ಕಾರಿ ಸ್ವಾಮ್ಯದ ಭಾರತೀಯ ಸ್ಟೇಟ್‌ ಬ್ಯಾಂಕ್‌ (ಎಸ್‌ಬಿಐ) ಶುಕ್ರವಾರದಿಂದ ಜಾರಿಗೆ ಬರುವಂತೆ ಎಂಸಿಎಲ್‌ಆರ್‌ ಆಧರಿಸಿದ ಸಾಲಗಳ ಮೇಲಿನ ಬಡ್ಡಿ ದರವನ್ನು ಶೇಕಡ 0.10ರಷ್ಟು ಹೆಚ್ಚಿಸಿದೆ.

ಬ್ಯಾಂಕ್‌ನ ಜಾಲತಾಣದಲ್ಲಿ ಇರುವ ಮಾಹಿತಿಯ ಪ್ರಕಾರ, ಆರು ತಿಂಗಳ ಅವಧಿಯ ಸಾಲದ ಬಡ್ಡಿದರವು ಶೇ 7.35ರಿಂದ ಶೇ 7.45ಕ್ಕೆ ಏರಿಕೆ ಆಗಿದೆ.

ವಾಹನ, ಗೃಹ ಮತ್ತು ವೈಯಕ್ತಿಕ ಉದ್ದೇಶಕ್ಕೆ ಪಡೆಯುವ ಒಂದು ವರ್ಷದ ಅವಧಿಯ ಸಾಲದ ಬಡ್ಡಿದರವು ಶೇ 7.40ರಿಂದ ಶೇ 7.50ಕ್ಕೆ ಏರಿಕೆ ಆಗಿದೆ.