53 ಸಾವಿರದ ಗಡಿ ದಾಟಿದ ಸೆನ್ಸೆಕ್ಸ್

ಮುಂಬೈ: ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್ ಮಂಗಳವಾರ, ದಿನದ ವಹಿವಾಟಿನ ಸಾರ್ವಕಾಲಿಕ ಗರಿಷ್ಠ ಮಟ್ಟವಾದ 53 ಸಾವಿರ ಅಂಶಗಳ ಗಡಿಯನ್ನು ತಲುಪಿತ್ತು. ನಂತರ, ವರ್ತಕರು ಲಾಭ ಗಳಿಕೆಯ ವಹಿವಾಟಿಗೆ ಮುಂದಾದ ಕಾರಣ ಕುಸಿತ ಕಂಡು 52,588 ಅಂಶಗಳಲ್ಲಿ ಕೊನೆಗೊಂಡಿತು.

ರಾಷ್ಟ್ರೀಯ ಷೇರುಪೇಟೆ ಸಂವೇದಿ ಸೂಚ್ಯಂಕ ನಿಫ್ಟಿ 26 ಅಂಶ ಏರಿಕೆ ಕಂಡಿದೆ. ಅಮೆರಿಕದ ಡಾಲರ್ ಎದುರು 27 ಪೈಸೆ ಕುಸಿತ ಕಂಡ ರೂಪಾಯಿ ಮೌಲ್ಯವು 74.37ಕ್ಕೆ ತಲುಪಿದೆ.