ಫೆಬ್ರುವರಿಯಲ್ಲಿ ಸೇವಾ ಚಟುವಟಿಕೆ ಅಲ್ಪ ಹೆಚ್ಚಳ

ನವದೆಹಲಿ: ಬೇಡಿಕೆ ಸ್ಥಿತಿಯಲ್ಲಿ ಸುಧಾರಣೆ ಹಾಗೂ ಕೊರೊನಾ ಪ್ರಕರಣಗಳ ಸಂಖ್ಯೆಯಲ್ಲಿ ಇಳಿಕೆಯಿಂದಾಗಿ ದೇಶದ ಸೇವಾ ವಲಯದ ಚಟುವಟಿಕೆಗಳು ಫೆಬ್ರುವರಿಯಲ್ಲಿ ಅಲ್ಪ ಏರಿಕೆ ಕಂಡಿವೆ ಎಂದು ಐಎಚ್‌ಎಸ್‌ ಮರ್ಕಿಟ್‌ ಇಂಡಿಯಾ ಹೇಳಿದೆ.

ಸೇವಾ ವಲಯದ ಚಟುವಟಿಕೆಗಳನ್ನು ತಿಳಿಸುವ ಸೂಚ್ಯಂಕವು ಜನವರಿಯಲ್ಲಿ 51.5ರಷ್ಟು ಇತ್ತು. ಅದು ಫೆಬ್ರುವರಿಯಲ್ಲಿ 51.8ಕ್ಕೆ ಏರಿಕೆ ಆಗಿದೆ. ಆದರೆ, ಜುಲೈ ನಂತರದ ಎರಡನೆಯ ಅತ್ಯಂತ ಮಂದಗತಿಯಬೆಳವಣಿಗೆ ಇದಾಗಿದೆ ಎಂದು ತಿಳಿಸಿದೆ.

ಹೊಸ ಯೋಜನೆಗಳು ಮತ್ತು ಸೇವಾ ಚಟುವಟಿಕೆಗಳು ನಿಧಾನಗತಿಯ ಬೆಳವಣಿಗೆ ಸಾಧಿಸಿವೆ. ಹಣದುಬ್ಬರದ ಒತ್ತಡ, ಕಚ್ಚಾ ಸಾಮಗ್ರಿಗಳ ಕೊರತೆ ಮತ್ತು ಸ್ಥಳೀಯ ಚುನಾವಣೆಗಳು ಬೆಳವಣಿಗೆಯ ಮೇಲೆ ಪರಿಣಾಮ ಉಂಟುಮಾಡಿವೆ ಎಂದು ಐಎಚ್‌ಎಸ್‌ ಮರ್ಕಿಟ್‌ ಇಂಡಿಯಾದ ಅರ್ಥಶಾಸ್ತ್ರದ ಸಹಾಯಕ ನಿರ್ದೇಶಕಿ ಪಾಲಿಯಾನಾ ಡಿ. ಲಿಮಾ ಹೇಳಿದ್ದಾರೆ.