ಮೇ 1ರಿಂದ ಅರ್ಬನ್‌ ಕ್ರೂಸರ್‌, ಗ್ಲಾನ್ಸಾ ಬೆಲೆ ಏರಿಕೆ: ಟೊಯೋಟ
Published 29 ಏಪ್ರಿಲ್ 2022, 11:17 IST
ನವದೆಹಲಿ: ಟೊಯೋಟ ಕಿರ್ಲೋಸ್ಕರ್‌ ಮೋಟರ್‌ ಕಂಪನಿಯು ತನ್ನ ಕಾಂಪ್ಯಾಕ್ಟ್‌ ಎಸ್‌ಯುವಿ ಅರ್ಬನ್‌ ಕ್ರೂಸರ್‌ ಮತ್ತು ಪ್ರೀಮಿಯಂ ಹ್ಯಾಚ್‌ಬ್ಯಾಕ್‌ ಗ್ಲಾನ್ಜಾ ಬೆಲೆಯನ್ನು ಮೇ 1ರಿಂದ ಹೆಚ್ಚಿಸುವುದಾಗಿ ಶುಕ್ರವಾರ ತಿಳಿಸಿದೆ.
ತಯಾರಿಕಾ ವೆಚ್ಚದಲ್ಲಿ ಆಗುತ್ತಿರುವ ಹೆಚ್ಚಳವನ್ನು ಸರಿಹೊಂದಿಸಲು ಈ ನಿರ್ಧಾರಕ್ಕೆ ಬಂದಿರುವುದಾಗಿ ಅದು ಹೇಳಿದೆ.
ಸದ್ಯ ಅರ್ಬನ್‌ ಕ್ರೂಸರ್‌ ಬೆಲೆ ₹ 8.88 ಲಕ್ಷದಿಂದ ₹ 11.58 ಲಕ್ಷದವರೆಗೆ ಇದೆ. ಗ್ಲಾನ್ಸಾ ಬೆಲೆ ₹ 6.39 ಲಕ್ಷದಿಂದ ₹ 9.96 ಲಕ್ಷದವರೆಗೆ ಇದೆ (ದೆಹಲಿ ಎಕ್ಸ್‌ ಷೋರೂಂ).
ಉಕ್ಕು, ಅಲ್ಯುಮಿನಿಯಂ ಮತ್ತು ಇತರ ಲೋಹಗಳ ಹಾಗೂ ಇತರ ಕಚ್ಚಾ ಸಾಮಗ್ರಿಗಳ ಬೆಲೆಯಲ್ಲಿ ಭಾರಿ ಹೆಚ್ಚಳ ಆಗಿದ್ದು, ವಾಹನ ತಯಾರಿಕಾ ವೆಚ್ಚದಲ್ಲಿ ಏರಿಕೆಗೆ ಕಾರಣವಾಗಿದೆ ಎಂದು ಕಂಪನಿ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.