ವಿಇಸಿವಿ ತೆಕ್ಕೆಗೆ ವೋಲ್ವೊ ಬಸ್ ವಹಿವಾಟು

ನವದೆಹಲಿ: ಐಷರ್ ಮೋಟರ್ಸ್‌ನ ಅಂಗಸಂಸ್ಥೆ ‘ವಿಇಸಿವಿ’ಯು ವೋಲ್ವೊ ಸಮೂಹದ ಬಸ್ ವಹಿವಾಟುಗಳನ್ನು ₹ 100.5 ಕೋಟಿಗೆ ತನ್ನ ತೆಕ್ಕೆಗೆ ತೆಗೆದುಕೊಳ್ಳಲಿದೆ.

ವೋಲ್ವೊ ಬಸ್‌ ಇಂಡಿಯಾದ (ವಿಬಿಐ) ವಹಿವಾಟುಗಳನ್ನು ವಿಇಸಿವಿ ಜೊತೆ ವಿಲೀನ ಮಾಡುವ ನಿರ್ಣಾಯಕ ಒಪ್ಪಂದಕ್ಕೆ ಸಹಿ ಮಾಡಲಾಗಿದೆ ಎಂದು ಐಷರ್ ಮೋಟರ್ಸ್‌ ಈಚೆಗೆ ತಿಳಿಸಿದೆ.

ಇದರ ಪರಿಣಾಮವಾಗಿ, ಬೆಂಗಳೂರು ಸಮೀಪದ ಹೊಸಕೋಟೆಯಲ್ಲಿ ಇರುವ ಬಸ್ ತಯಾರಿಕಾ ಘಟಕ ಹಾಗೂ ಅದರಲ್ಲಿನ ನೌಕರರು ವಿಇಸಿವಿ ಅಧೀನಕ್ಕೆ ಒಳಪಡಲಿದ್ದಾರೆ. ಇದು ಮುಂದಿನ ಎರಡು ತಿಂಗಳಲ್ಲಿ ಪೂರ್ಣಗೊಳ್ಳಲಿದೆ.