ಘಟಪ್ರಭಾ ನದಿ ಪ್ರವಾಹ: 8 ಬ್ಯಾರೇಜ್ ಮುಳುಗಡೆ

ಮುಧೋಳ: ನಿರಂತರ ಮಳೆಯಿಂದ ಘಟಪ್ರಭಾ ನದಿಯ ಹಿಡಕಲ್ ಜಲಾಶಯ ಶೇ 100 ಭರ್ತಿಯಾಗಿದೆ. ಘಟಪ್ರಭಾ ನದಿ ಪ್ರವಾಹದಿಂದ ತಾಲ್ಲೂಕಿನ 8 ಬ್ಯಾರೇಜ್‌ಗಳು ಮುಳುಗಡೆಯಾಗಿವೆ.

ಜಲಾಶಯದ ಒಟ್ಟು ಸಾಮರ್ಥ್ಯ 51.0 ಟಿಎಂಸಿ ಅಡಿಯಾಗಿದ್ದು ಭರ್ತಿಯಾಗಿದೆ. 

ಮಿರ್ಜಿ ಬ್ಯಾರೇಜ್ - , ಚನ್ನಾಳ ಬ್ಯಾರೇಜ್ – ನಾಗರಾಳ, ಜಾಲಿಬೇರಿ ಬ್ಯಾರೇಜ್ –ಸೊರಗಾಂವ, ಜಿರಗಾಳ ಬ್ಯಾರೇಜ್ – ಗುಲಗಾಲಜಂಬಗಿ, ಅಂತಾಪುರ ಬ್ಯಾರೇಜ್- ಜಂಬಗಿ ಕೆಡಿ, ಕಸಬಾ ಜಂಬಗಿ ಬ್ಯಾರೇಜ್- ಇಂಗಳಗಿ ಯಡಹಳ್ಳಿ, ಆಲಗುಂಡಿ ಬಿ.ಕೆ. ಬ್ಯಾರೇಜ್- ಜೂನ್ನೂರ ಹಾಗೂ ತಿಮ್ಮಾಪುರ ಬ್ಯಾರೇಜ್ – ಬಿದರಿ ಮುಳುಗಡೆಯಾಗಿವೆ.

ತಾಲ್ಲೂಕಿನ ಮಾಚಕನೂರ ಗ್ರಾಮದ ಐತಿಹಾಸಿಕ ಹೊಳೆಬಸವೇಶ್ವರ ದೇವಸ್ಥಾನ ಜಲಾವೃತವಾಗಿದೆ.

ಪ್ರವಾಹ ಹೆಚ್ಚಾಗುತ್ತ ಸಾಗಿದರೆ ತಾಲ್ಲೂಕಿನ ಮಿರ್ಜಿ, ಮಳಲಿ, ಒಂಟಗೋಡಿ, ಉತ್ತೂರ, ಮಾಚಕನೂರ ಬುದ್ನಿ ಬಿ.ಕೆ, ಆಲಗುಂಡಿ‌ ಬಿ.ಕೆ. ಗ್ರಾಮಗಳಿಗೆ ನೀರು ಬರುವ ಸಾಧ್ಯತೆ ಇದೆ.