ಹಿಪ್ಪರಗಿ ಬ್ಯಾರೇಜ್ ಒಳಹರಿವು 2.91 ಲಕ್ಷ ಕ್ಯುಸೆಕ್ ದಾಖಲು

ರಬಕವಿ ಬನಹಟ್ಟಿ: ಸಮೀಪದ ಹಿಪ್ಪರಗಿ ಜಲಾಶಯಕ್ಕೆ ಗುರುವಾರ ಬೆಳಗ್ಗೆ 2,91,697 ಕ್ಯುಸೆಕ್ ನೀರು ಒಳ ಹರಿವು ಇದ್ದು, 2,90,947 ಕ್ಯುಸೆಕ್ ಹೊರ ಹರಿವು ದಾಖಲಾಗಿದೆ.

ಮಹಾರಾಷ್ಟ್ರದ ಗಡಿ ಭಾಗದಲ್ಲಿರುವ ಕಲ್ಲೋಳ ಬ್ಯಾರೇಜ್‌ನಿಂದ ನದಿಗೆ 2,88,649 ಕ್ಯುಸೆಕ್ ನೀರು ಹರಿದು ಬರುತ್ತಿದೆ. ಕೃಷ್ಣಾ ಜಲಾನಯನ ಪ್ರದೇಶಗಳಲ್ಲಿ ಮತ್ತು ಮಹಾರಾಷ್ಟ್ರದ ವಿವಿಧ ಜಲಾಶಯಗಳಿಂದ ಕೃಷ್ಣಾ ನದಿಗೆ ನೀರು ಬಿಡುತ್ತಿರುವುದರಿಂದ ನದಿಗೆ ಇನ್ನೂ ನೀರು ಹರಿದು ಬರುತ್ತಿದೆ.

ಮಹಾರಾಷ್ಟ್ರದ ಜಲಾನಯನ ಪ್ರದೇಶಗಳಾದ ಕೊಯ್ನಾ: 7. 4 ಸೆಂ.ಮೀ, ನವುಜಾ: 10.4 ಸೆಂ.ಮೀ, ಮಹಾಬಳೇಶ್ವರ: 6. 2 ಸೆಂ.ಮೀ, ತರಾಳಿ: 9.5 ಸೆಂ.ಮೀ, ವಾರಣಾ: 8.5 ಸೆಂ.ಮೀ, ರಾಧಾ ನಗರಿ: 12. ಸೆಂ.ಮೀ ಮಳೆಯಾದ ವರದಿಯಾಗಿದೆ.

ರಬಕವಿ ನಗರದ ಸಮೀಪ ನೀರು; ಕೃಷ್ಣಾ ನದಿಯಲ್ಲಿ ನೀರಿನ ಪ್ರಮಾಣ ಹೆಚ್ಚಾಗುತ್ತಿದ್ದಂತೆ ರಬಕವಿ ನಗರದ ಹೊರ ವಲಯದಲ್ಲಿರುವ ಹೊಲ ತೋಟಗಳನ್ನು ನೀರು ಆವರಿಸುತ್ತಿದೆ.