ಬಾಗಲಕೋಟೆ: ಪ್ಯಾಲಿಸ್ಟೀನ್ ಧ್ವಜ ಪ್ರದರ್ಶನ ಆರೋಪ; ಕ್ರಮಕ್ಕೆ ಆಗ್ರಹ

ಬಾಗಲಕೋಟೆ: ಪಂಕಾ ಮಸೀದಿ ಬಳಿಯ ಕಟೌಟ್‌ನಲ್ಲಿ ಹಮಾಸ್ ಮುಖಂಡರ ಭಾವಚಿತ್ರ ಹಾಕಲಾಗಿದೆ. ಅವರ ಭುಜದ ಮೇಲೆ ಪ್ಯಾಲಿಸ್ಟೀನ್‌ ಧ್ವಜ ಹಾಕಲಾಗಿತ್ತು. ಅಂತವರ ವಿರುದ್ಧ ಕ್ರಮಕೈಗೊಳ್ಳಬೇಕು ಎಂದು ಹಿಂದೂ ಸಂಘಟನೆ ಮನವಿ ಮಾಡಿದರು.

ಭಾವಚಿತ್ರ ಹಾಕಿರುವುದನ್ನು ಕೆಲವರು ಸ್ಟೇಟಸ್‌ ಕೂಡ ಹಾಕಿದ್ದಾರೆ ಎಂದು ಆರೋಪಿಸಿದ ಮುಖಂಡ ಗಿರೀಶ ಭಾಂಡಗೆ, ಕೂಡಲೇ ಕ್ರಮಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು.

ವಿಷಯ ತಿಳಿದ ಮೇಲೆ ಹಮಾಸ್ ಮುಖಂಡರ ಭುಜದ ಮೇಲಿದ್ದ ಧ್ವಜದ ಮೇಲೆ ಹಸಿರು ಪಟ್ಟಿ ಹಾಕಿ ಮರೆ ಮಾಚಲಾಗಿದೆ. ಇಂತಹ ಕಿಡಿಗೇಡಿಗಳ ವಿರುದ್ಧ ಕ್ರಮಕೈಗೊಳ್ಳಬೇಕು ಎಂದು ಬಾಗಲಕೋಟೆ ನಗರ ಪೊಲೀಸ್‌ ಠಾಣೆ ಇನ್‌ಸ್ಪೆಕ್ಟರ್‌ಗೆ ಆಗ್ರಹಿಸಿದರು.

ಚಂದ್ರು ರಾಮವಾಡಗಿ, ಪ್ರಕಾಶ ನಿರಂಜನ, ಗುರುರಾಜ ಶೆಟ್ಟರ್, ಮನೋಜ ಕರಡಿವಾಲ ಮತ್ತಿತರರು ಇದ್ದರು.