ಜಮಖಂಡಿ: ನಗರದ ವಿವಿಧೆಡೆಮಾವಾ (
ಇಲ್ಲಿನ ಜಂಬಗಿ ರಸ್ತೆಯ ನೂರಾನಿ ಕಾಲೊನಿಯಲ್ಲಿ ಇಬ್ಬರು ಮತ್ತು ನಗರದ ವಿವಿಧೆಡೆ ಎಂಟು ಜನರನ್ನು ಬಂಧಿಸಿ ನಾಲ್ಕು ಪ್ರತ್ಯೇಕ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಅಬೂಬಕರ್ ಮಂಗಳವಾಡೆ, ಸೋಯೆಲ್ ಗೋಕಾಕ, ಸಿಕಂದರ್ ಶೇಖ್, ಮೌಲಾಸಾಬ್ ಪಠಾಣ, ಮಂಜು ಕಾಂಬಳೆ, ಪ್ರವೀಣ ಮರೇಗುದ್ದಿ, ಇರ್ಫಾನ್ ಅಂಬಿ, ಬಂದೇನವಾಜ್ ಮಕಾನ್ದಾರ ಬಂಧಿತರು.
ಮಾವಾ ತಯಾರಿಕೆ ಅಡ್ಡೆಯ ಮೇಲೆ ಪೊಲೀಸರು ದಾಳಿ ಮಾಡಿದಾಗ ನಾಲ್ಕು ಅಡಿಕೆ ಒಡೆದು ಮಾವಾ ಸಿದ್ಧಪಡಿಸುವ ಯಂತ್ರಗಳು, ತಂಬಾಕು, ಅಡಿಕೆ, ಸುಣ್ಣ, ಮಾವಾ ತಿಕ್ಕಲು ಬಳಸುವ ಪ್ಲಾಸ್ಟಿಕ್ ಹಾಳೆ ವಶಪಡಿಸಿಕೊಂಡಿದ್ದಾರೆ.
ಮಾವಾ ಮಾರಾಟ ನಿಷೇಧವಿದ್ದರೂ ನಗರದಲ್ಲಿಕದ್ದು ಮುಚ್ಚಿ ವ್ಯಾಪಾರ ಮಾತ್ರ ನಿಂತಿರಲಿಲ್ಲ.ಶಿಕ್ಷಕರು, ಪೊಲೀಸರು, ಯುವಕರು, ಕಾಲೇಜ್ ವಿದ್ಯಾರ್ಥಿಗಳು, ಗೌಂಡಿಗಳು ಹೆಚ್ಚಾಗಿ ಮಾವಾ ತಿನ್ನುತ್ತಾರೆ. ಪೊಲೀಸರ ದಾಳಿಯ ಆತಂಕದಿಂದ ಗ್ರಾಮೀಣ ಪ್ರದೇಶದಲ್ಲಿ ತಯಾರಿಸಿ, ಬೈಕ್ ಮೇಲೆ ತೆರಳಿ ಮನೆಮನೆಗೆ ಮುಟ್ಟಿಸುತ್ತಿದ್ದರು. ಮೊದಲು ₹ 20-30ಕ್ಕೆ ಸಿಗುತ್ತಿದ್ದ ಮಾವಾ ಈಗ ₹50ಕ್ಕೆ ಬೆಲೆ ಏರಿಕೆಯಾಗಿದೆ.
ಮಾವಾದಲ್ಲಿ ನಿಕೋಟಿನ್: ಕಳೆದ ವರ್ಷ ವಶಪಡಿಸಿಕೊಂಡಿದ್ದ ಮಾವಾ ಪ್ರಯೋಗಾಲಯಕ್ಕೆ ಕಳುಹಿಸಿದ್ದು, ಅಲ್ಲಿಂದ ವರದಿ ಬಂದಿದೆ. ಅದರಲ್ಲಿ ನಿಕೋಟಿನ್ ಪ್ರಮಾಣ ಇದ್ದು ಆರೋಗ್ಯಕ್ಕೆ ಹಾನಿಕಾರ ಎಂದು ವರದಿ ತಿಳಿಸಿದೆ. ನಿಕೋಟಿನ್ ಇರುವ ವಸ್ತುಗಳ ಮಾರಾಟವನ್ನು ಈಗಾಗಲೇ ರಾಜ್ಯ ಸರ್ಕಾರ ನಿಷೇಧಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.