ಕಾಕನೂರ: ಎಸ್‌ಬಿಐ ಶಾಖೆಯಲ್ಲಿ ₹ 13 ಲಕ್ಷ ಕಳವು

ಬಾಗಲಕೋಟೆ: ಜಿಲ್ಲೆಯ ಬಾದಾಮಿ ತಾಲ್ಲೂಕಿನ ಕಾಕನೂರ ಗ್ರಾಮದಲ್ಲಿನ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ಶಾಖೆಯಲ್ಲಿ ಮಂಗಳವಾರ ರಾತ್ರಿ ₹ 13 ಲಕ್ಷ ಕಳವು ಆಗಿದೆ.

‘ದುಷ್ಕರ್ಮಿಗಳು ಸಿ.ಸಿ.ಟಿ.ವಿ ಕ್ಯಾಮೆರಾಗೆ ಬಣ್ಣ ಬಳಿದಿದ್ದು, ಗ್ಯಾಸ್ ಕಟರ್‌ ಬಳಸಿ, ಮೂರು ಲಾಕರ್‌ ಒಡೆಯಲು ಯತ್ನಿಸಿದ್ದಾರೆ. ಒಂದು ಮಾತ್ರ ಒಡೆಯಲು ಸಾಧ್ಯವಾಗಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ.

‘ಆರೋಪಿಗಳ ಪತ್ತೆಗೆ ತಂಡಗಳನ್ನು ರಚಿಸಲಾಗಿದೆ. ಬ್ಯಾಂಕ್‌ನ ಅಲಾರಾಂ ವ್ಯವಸ್ಥೆ ಕುರಿತು ಅಧಿಕಾರಿಗಳಿಂದ ಮಾಹಿತಿ ಸಂಗ್ರಹಿಸಲಾಗುತ್ತಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ.