ಬಳ್ಳಾರಿ: 13 ಮರಳು ಬಂಡಿಗಳ ವಶ

ಬಳ್ಳಾರಿ: ಹಗರಿ–ವೇದಾವತಿ ನದಿಯಿಂದ ಅಕ್ರಮವಾಗಿ ಮರಳು ಹೊತ್ತು ತರುತ್ತಿದ್ದ ಎತ್ತಿನ ಬಂಡಿಗಳನ್ನು ವಶಪಡಿಸಿಕೊಂಡಿರುವ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಅಧಿಕಾರಿಗಳು, ಅವುಗಳನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. 

ಮರಳು ಹೊತ್ತು ತರುತ್ತಿದ್ದಾಗ ರೂಪನಗುಡಿ ರಸ್ತೆಯಲ್ಲಿ ಬಂಡಿಗಳನ್ನು ವಶಕ್ಕೆ ಪಡೆಯಲಾಗಿದೆ. ಸದ್ಯ ಈ ಕುರಿತು ಎಪಿಎಂಸಿ ಠಾಣೆಯಲ್ಲಿ ಎಫ್‌ಐಆರ್‌ ದಾಖಲಿಸಲಾಗಿದೆ ಎಂದು ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.