ತೆಕ್ಕಲಕೋಟೆ | ಸಾರ್ವಜನಿಕ ಉದ್ಯಾನ ಸ್ವಚ್ಛತೆಗೆ ಆಗ್ರಹ

ತೆಕ್ಕಲಕೋಟೆ: ಪಟ್ಟಣದ ಕೋಟೆ ಮುಂಭಾಗದಲ್ಲಿ ಇರುವ ಸಾರ್ವಜನಿಕ ಉದ್ಯಾನ ಸ್ವಚ್ಛತೆಗೆ ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿ ಗ್ರಂಥಾಲಯ ಬಳಕೆದಾರರ ಸಮಿತಿ ವತಿಯಿಂದ
ಮನವಿ ಸಲ್ಲಿಸಲಾಯಿತು.

ಪಟ್ಟಣ ಪಂಚಾಯಿತಿ ಮುಖ್ಯಾಧಿಕಾರಿ ಪರಶುರಾಮ ಅವರಿಗೆ ಮನವಿ ಸಲ್ಲಿಸಿ ಮಾತನಾಡಿದ ಉಪ್ಪಾರ ಅಶೋಕ, ‘ಉದ್ಯಾನವನದಲ್ಲಿ ಗಿಡಗಂಟೆಗಳು ಬೆಳೆದು ಹಾವು ಚೇಳುಗಳ ಆವಾಸವಾಗಿದ್ದು, ಇದೇ ಮಾರ್ಗವಾಗಿ ಸಾರ್ವಜನಿಕ ಗ್ರಂಥಾಲಯಕ್ಕೆ ತೆರಳುವುದು ಕಷ್ಟಕರವಾಗಿದೆ. ಪಂಚಾಯಿತಿ ಅಧಿಕಾರಿಗಳು ಸೂಕ್ತ ಕ್ರಮ ಕೈಗೊಳ್ಳಬೇಕು’ ಎಂದು ಆಗ್ರಹಿಸಿದರು.

‘ನಿತ್ಯವೂ ಶಾಲಾ ಕಾಲೇಜಿನ ವಿದ್ಯಾರ್ಥಿಗಳು ಇದೇ ಮಾರ್ಗವಾಗಿ ಗ್ರಂಥಾಲಯಕ್ಕೆ ತೆರಳುವುದರಿಂದ ಉದ್ಯಾನವನ ಅಭಿವೃದ್ಧಿ ಪಡಿಸಬೇಕು’ ಎಂದು ಯುವಕ ಪಾಮಣ್ಣ ಒತ್ತಾಯಿಸಿದರು.

ಕಾಡಸಿದ್ದ, ಕನಕ, ಸೋಮೇಶ, ಹನುಮಂತ, ಕಾಳಿಂಗ ಇದ್ದರು.