ಜಂಬುನಾಥ ರಥೋತ್ಸವ ರದ್ದುತೇರಿಗೆ ಸಾಂಕೇತಿಕ ಪೂಜೆ

ಹೊಸಪೇಟೆ (ವಿಜಯನಗರ): ಕೋವಿಡ್‌–19 ಕಾರಣಕ್ಕಾಗಿ ಭಾನುವಾರ ನಗರ ಹೊರವಲಯದ ಜಂಬುನಾಥ ರಥೋತ್ಸವ ರದ್ದುಪಡಿಸಿ, ಸಾಂಕೇತಿಕವಾಗಿ ಪೂಜೆ ನೆರವೇರಿಸಲಾಯಿತು.

ಪ್ರತಿವರ್ಷ ಮಹಾವೀರ ಜಯಂತಿಯ ದಿನ ಜಂಬುನಾಥ ರಥೋತ್ಸವ ನೆರವೇರುತ್ತದೆ. ಈ ವರ್ಷ ಜಂಬುನಾಥ ಸ್ವಾಮಿಗೆ ಅರ್ಚಕರು ವಿಶೇಷ ಪೂಜೆ ನೆರವೇರಿಸಿದರು. ತೇರಿಗೆ ಸಾಂಕೇತಿಕವಾಗಿ ಪೂಜಿಸಿದರು.

ಕರ್ಫ್ಯೂ ಜಾರಿಯಲ್ಲಿರುವುದರಿಂದ ಕೆಲವು ಭಕ್ತರು ನಸುಕಿನ ಜಾವವೇ ದೇವಸ್ಥಾನಕ್ಕೆ ಬಂದು ದೇವರ ದರ್ಶನ ಪಡೆದರು.