ಹೊಸಪೇಟೆ: 41 ಸದಸ್ಯರ ಅವಿರೋಧ ಆಯ್ಕೆ

ಹೊಸಪೇಟೆ: ತಾಲ್ಲೂಕಿನ 13 ಗ್ರಾಮ ಪಂಚಾಯಿತಿಗಳಿಗೆ ಡಿ. 22ರಂದು ಚುನಾವಣೆ ನಡೆಯಲಿದೆ. ಆದರೆ, ಅದಕ್ಕೂ ಮುನ್ನವೇ 41 ಸದಸ್ಯರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

13 ಪಂಚಾಯಿತಿಗಳ ಒಟ್ಟು 274 ಸ್ಥಾನಗಳಿಗೆ ಸಲ್ಲಿಕೆಯಾಗಿದ್ದ ಒಟ್ಟು ನಾಮಪತ್ರಗಳ ಪೈಕಿ 227 ಜನ ನಾಮಪತ್ರ ಹಿಂಪಡೆದಿರುವುದರಿಂದ ಒಟ್ಟು 653 ಜನ ಅಂತಿಮ ಕಣದಲ್ಲಿದ್ದಾರೆ. ಈ ನಡುವೆ 41 ಸ್ಥಾನಗಳಿಗೆ ಅವಿರೋಧ ಆಯ್ಕೆ ನಡೆದಿದ್ದು, ಅಲ್ಲಿ ಚುನಾವಣೆ ನಡೆಯುವುದಿಲ್ಲ. ಅವರ ಅಧಿಕೃತ ಆಯ್ಕೆ ಘೋಷಣೆ ಹೊರಬೀಳಬೇಕಿದೆ.

ತಾಲ್ಲೂಕಿನ ಪಾಪಿನಾಯಕನಹಳ್ಳಿ ಗ್ರಾಮ ಪಂಚಾಯಿತಿಗೆ ಅತಿ ಹೆಚ್ಚು 10 ಜನರು ಅವಿರೋಧವಾಗಿ ಆಯ್ಕೆಯಾದರೆ, ಡಣಾಯಕನಕೆರೆಯಲ್ಲಿ 9, ಮಲಪನಗುಡಿ, ಬೈಲುವದ್ದಿಗೇರಿಯಲ್ಲಿ ತಲಾ 6, ಜಿ. ನಾಗಲಾಪುರ, ಚಿಲಕನಹಟ್ಟಿಗೆ ತಲಾ 3, ನಾಗೇನಹಳ್ಳಿ, 114 ಡಣಾಪುರ, ಬುಕ್ಕಸಾಗರ ಹಾಗೂ ಕಲ್ಲಹಳ್ಳಿಗೆ ತಲಾ ಒಬ್ಬರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.