ಕಂಪ್ಲಿ | ಮನಸೆಳೆದ ಬೀದಿ ನಾಟಕ ಪ್ರದರ್ಶನ

ಕಂಪ್ಲಿ: ತಾಲ್ಲೂಕಿನ ಚಿಕ್ಕಜಾಯಿಗನೂರು ಗ್ರಾಮದ ಈಶ್ವರ ದೇವಸ್ಥಾನ ಆವರಣದಲ್ಲಿ ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ.ಸಿ ಟ್ರಸ್ಟ್ ವತಿಯಿಂದ ಯುವಜನ ಹಾಗೂ ಸಾಂಸ್ಕೃತಿಕ ಕಲಾತಂಡದಿಂದ ಗುರುವಾರ ಹಮ್ಮಿಕೊಂಡಿದ್ದ ಬೀದಿ ನಾಟಕ ಪ್ರದರ್ಶನ ಜನಮನಸೂರೆಗೊಂಡಿತು.

ಮಕ್ಕಳ ಶಿಕ್ಷಣ ಮಹತ್ವ, ಆರೋಗ್ಯ, ಸ್ವಚ್ಛತೆ, ಸಾರ್ವಜನಿಕ ಸ್ಥಳಗಳಲ್ಲಿ ಶುಚಿತ್ವದ ಪ್ರಾಮುಖ್ಯತೆ, ಶೌಚಾಲಯ ಬಳಕೆ, ನೀರಿನ ಸದ್ಬಳಕೆ ಕುರಿತು ಕಲಾವಿದರು ಬೀದಿ ನಾಟಕ ಮೂಲಕ ಜಾಗೃತಿ ಮೂಡಿಸಿದರು.

ಇದಕ್ಕೂ ಮುನ್ನ ಹಂಪಾದೇವನಹಳ್ಳಿ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಕವಿತಾ ಪಂಪನಗೌಡ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.

ರೈತ ಮುಖಂಡ ಜಿ. ಅಮರೇಗೌಡ, ಮುಖ್ಯಶಿಕ್ಷಕ ಮಲ್ಲಿಕಾರ್ಜುನ, ವಲಯ ಮೇಲ್ವಿಚಾರಕ ಮಂಜುನಾಥ, ರೇಖಾ, ಸೇವಾ ಪ್ರತಿನಿಧಿ ಸಂಗೀತ, ಗ್ರಾಮಸ್ಥರು ಹಾಜರಿದ್ದರು.
ಪ್ರಸ್ತುತ ಬೀದಿ ನಾಟಕ ತಾಲ್ಲೂಕಿನ ಮಾರುತಿನಗರ ವಲಯದ ಎಂ.ಡಿ ಕ್ಯಾಂಪ್, ಬಸವೇಶ್ವರನಗರದಲ್ಲಿ ಪ್ರದರ್ಶನಗೊಂಡಿತು. ಮುಖಂಡರಾದ ಸುಂಕಲಪ್ಪ, ರಾಮಾಂಜನೇಯ, ವೆಂಕಮ್ಮ ಉಪಸ್ಥಿತರಿದ್ದರು.