ಹೊಸಕೋಟೆ | ದೀಪಾವಳಿ: ಅತಿಯಾದ ಪಟಾಕಿ ಬಳಕೆ; ಪಕ್ಷಿಗಳ ಮೂಕವೇದನೆ...

ಹೊಸಕೋಟೆ: ಸರ್ಕಾರ ಪ್ರತಿ ದೀಪಾವಳಿಯಲ್ಲೂ ಪರಿಸರಕ್ಕೆ ಮಾರಕವಾದ ಪಟಾಕಿ ನಿಷೇದ್ಧ. ಹಸಿರು ಪಟಾಕಿ ಬಳಕೆಗೆ ಮಾತ್ರ ಅವಕಾಶ. ಇದು ಕಟ್ಟುನಿಟ್ಟಿನ ಆದೇಶ ಎಂದು ಪ್ರಚಾರ ಮಾಡುತ್ತದೆ. ಆದರೆ ಇದು ಪ್ರಚಾರಕ್ಕೆ ಮಾತ್ರ ಸೀಮಿತವಾಗಿದೆ.

ಅತಿಯಾದ ಪಟಾಕಿ ಬಳಕೆಯಿಂದ ಪಕ್ಷಿ ಸಂಕುಲ ಹಾಗೂ ಸಾವಿರಾರು ಕಿ.ಮೀ. ವಲಸೆ ಬರುವ ಹಕ್ಕಿಗಳಿಗೆ ಕುತ್ತು ಎದುರಾಗಿದೆ. ಅದರಲ್ಲೂ ಅಳಿವಿನಂಚಿನಲ್ಲಿರುವ ಪಕ್ಷಿಗಳಿಗೆ ಮಾರಕವಾಗಿದೆ.

ದೀಪಾವಳಿ ಮಾತ್ರವಲ್ಲದೆ ಯಾವುದೇ ಕಾರ್ಯಕ್ರಮಗಳು ನಡೆದರೂ ಪಟಾಕಿ ಸಿಡಿಸುವುದು ಸಾಮಾನ್ಯವಾಗಿ ಬಿಟ್ಟಿದೆ. ಇದಕ್ಕೆ ಯಾವ ನಿಯಮವು ಇರುವುದಿಲ್ಲ. ಅತಿಯಾದ ಶಬ್ದ ಹಾಗೂ ರಾಸಾಯನಿಕ ಹೊಗೆ ಸೊಸುವ ಪಟಾಕಿ ಹಚ್ಚಿ ಜನ ಕೇಕೆ ಹಾಕುತ್ತಾರೆ. ಇದರಿಂದ ಪಾರಾಗಲು ಮೂಕ ಪ್ರಾಣಿಗಳು ಪಡುವ ಮೂಕವೇದನೆ ಯಾರಿಗೂ ತಿಳಿಯದು.

ಹಸಿರು ಪಟಾಕಿ ಮಾರಾಟಕ್ಕೆ ಮಾತ್ರ ಪರವಾನಗಿ

ಜಿಲ್ಲಾಧಿಕಾರಿ ಸಮ್ಮುಖದಲ್ಲಿ ಈಗಾಗಲೇ ಎಲ್ಲಾ ಪಟಾಕಿ ಮಾರಾಟಗಾರೊಂದಿಗೆ ಸಭೆ ನಡೆಸಿ ಮುಂಜಾಗ್ರತಾ ಎಲ್ಲಾ ಕ್ರಮ ಕೈಗೊಳ್ಳಲು ಹಾಗೂ ಹಸಿರು ಪಟಾಕಿ ಮಾತ್ರ ಮಾರಾಟ ಮಾಡಬೇಕೆಂದು ನಿರ್ದೇಶನ ನೀಡಲಾಗಿದೆ. ಹಸಿರು ಪಟಾಕಿ ಮಾರಾಟ ಮಾಡುವವರು, ಸುರಕ್ಷಿತ ಕ್ರಮ ಪಾಲಿಸುವವರಿಗೆ ಮಾತ್ರ ಪರವಾನಗಿ ನೀಡಲಾಗುವುದು ಎಂದು ನಗರಭೆ ಪೌರಾಯುಕ್ತ  ನೀಲಲೋಚನ ಪ್ರಭು ತಿಳಿಸಿದ್ದಾರೆ. ಚೆನ್ನ ಭೈರೇಗೌಡ ಕ್ರೀಡಾಂಗಣದಲ್ಲಿ ಪಟಾಕಿ ಮಾರಾಟ ಮಾಡಲು ಸ್ಥಳ ನಿಗದಿ ಮಾಡಲಾಗುವುದು. ಸುರಕ್ಷತೆ ಪರಿಶೀಲಿಸಲು ಆರೋಗ್ಯ ಇಲಾಖೆ, ಪೊಲೀಸ್ ಇಲಾಖೆ ಮತ್ತು ನಗರಸಭೆಯಿಂದ ಜಂಟಿಯಾಗಿ ಪ್ರತಿ ದಿನ ಭೇಟಿ ನೀಡಲಿದ್ದಾರೆ ಎಂದು ತಿಳಿಸಿದರು.

ಮರೆಯಾದ ಹಕ್ಕಿಗಳ ಕಲರವ

ಬೆದರಿದ ಪಕ್ಷಿ ಸಂಕುಲ