ದೊಡ್ಡಬಳ್ಳಾಪುರ ಓಬಳೇಶ್ವರ ದೇಗುಲದ ಹುಂಡಿ ಕಳವು

ದೊಡ್ಡಬಳ್ಳಾಪುರ: ತಾಲೂಕಿನ ದಾಸಗೊಂಡನಹಳ್ಳಿ ಗ್ರಾಮದ ಪುರಾತನವಾದ ಶ್ರೀಓಬಳೇಶ್ವರ ದೇವಾಲಯದಲ್ಲಿ ಕಾಣಿಕೆ ಹುಂಡಿ ಕಳ್ಳತನ ಮಾಡಲಾಗಿದೆ.

ದೇವಾಯಲದ ಬಾಗಿಲು ಹೊಡೆದಿರುವ ಕಳ್ಳರು ಸುಮಾರು ಎರಡು ವರ್ಷಗಳಿಂದ ಲಕ್ಷಾಂತರ ರೂಪಾಯಿ ಸಂಗ್ರಹ ಆಗಿರಬಹುದಾದ ಹುಂಡಿಯನ್ನು ಕಳ್ಳರು ಹೊತ್ತೊಯ್ದಿದ್ದಾರೆ. ಈ ಹಿಂದೆಯೂ ಸಹ ದೇವಾಲಯದಲ್ಲಿ ಹುಂಡಿಯನ್ನು ಹೊಡೆದು ಕಾಣಿಕೆ ಹಣ ಕಳ್ಳತನ ಮಾಡಲಾಗಿತ್ತು. ಆದರೆ ಈಗ ಹುಂಡಿಯನ್ನೇ ಕಳ್ಳರು ಕದ್ದೋಯ್ದಿದ್ದಾರೆ. ಗ್ರಾಮಾಂತರ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು ದೂರು ದಾಖಲಿಸಿಕೊಂಡಿದ್ದಾರೆ.