ಗ್ರಾ.ಪಂ ಸದಸ್ಯರಾಗಿ ದಂಪತಿ ಆಯ್ಕೆ

ಆನೇಕಲ್: ತಾಲ್ಲೂಕಿನ ಹಾರಗದ್ದೆ ಗ್ರಾಮ ಪಂಚಾಯಿತಿ ಸದಸ್ಯರಾಗಿ ಪತಿ ಮತ್ತು ಪತ್ನಿ ಆಯ್ಕೆಯಾಗಿರುವುದು ವಿಶೇಷ.ಹಾರಗದ್ದೆ ಗ್ರಾ.ಪಂ ವ್ಯಾಪ್ತಿಯ ಲಿಂಗಾಪುರದಲ್ಲಿ ಗೀತಾ ರಮೇಶ್ ಮತ್ತು ಹಾರಗದ್ದೆ ಕ್ಷೇತ್ರದಿಂದ ರಮೇಶ್‌ ಚುನಾಯಿತರಾಗಿದ್ದಾರೆ. ಗೀತಾ ರಮೇಶ್‌ ಅವರು ಎರಡನೇ ಬಾರಿ ಗ್ರಾಮ ಪಂಚಾಯಿತಿ ಸದಸ್ಯರಾಗಿ ಚುನಾಯಿತರಾಗಿದ್ದಾರೆ.

ಈ ಬಾರಿ ಪತಿ ರಮೇಶ್ ಆಯ್ಕೆಯಾಗುವ ಮೂಲಕ ದಂಪತಿ ಗ್ರಾಮ ಪಂಚಾಯಿತಿ ಪ್ರವೇಶ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.