ದೊಡ್ಡಬಳ್ಳಾಪುರ: ರಾಗಿ ಬೆಳೆಗೆ ಹಾನಿ

ದೊಡ್ಡಬಳ್ಳಾಪುರ: ತಾಲ್ಲೂಕಿನಲ್ಲಿ ಮಂಗಳವಾರ ರಾತ್ರಿ ಸುರಿದ ಮಳೆಗೆ ರಾಗಿ ಬೆಳೆ ನೆಲಕಚ್ಚಿದೆ.

ಕಸಬಾ ಹೋಬಳಿಯಲ್ಲಿ 38 ಮಿ.ಮೀ. ಮಳೆಯಾಗಿದೆ. ನಂದಿಬೆಟ್ಟದ ತಪ್ಪಲಿನ ಚಿಕ್ಕರಾಯಪ್ಪನಹಳ್ಳಿ ಕೆರೆ ಕೋಡಿ ಬಿದ್ದಿದೆ.

ಕಸಬಾ ಹೋಬಳಿ ಮುತ್ತೂರು, ಬಾಶೆಟ್ಟಿಹಳ್ಳಿ, ಸಾಸಲು ಹೋಬಳಿಯ ಗುಂಡಮಗೆರೆ ಹೊರತುಪಡಿಸಿದರೆ ಉಳಿದ ಯಾವುದೇ ಕೆರೆಗಳಿಗೂ ನೀರು ಬಂದಿಲ್ಲ. ಮಂಗಳವಾರ ರಾತ್ರಿ ಬಿದ್ದಿರುವ ಮಳೆಯ ಪ್ರಮಾಣದಂತೆ ಮಧುರೆ ಹೋಬಳಿ 37 ಮಿ.ಮೀ, ದೊಡ್ಡಬೆಳವಂಗಲ 34 ಮಿ.ಮೀ, ತೂಬಗೆರೆ 24 ಮಿ.ಮೀ, ಸಾಸಲು ಹೋಬಳಿ 26 ಮಿ.ಮೀ.ಮಳೆಯಾಗಿದೆ.