ಹೊಸಕೋಟೆ | ಮಳೆ: ಕೋಡಿ ಬಿದ್ದ ಕೆರೆಗಳು

ಸೂಲಿಬೆಲೆ: ಹೊಸಕೋಟೆ ತಾಲ್ಲೂಕಿನ ಸೂಲಿಬೆಲೆ, ನಂದಗುಡಿ ಹಾಗೂ ತಾವರೆಕೆರೆ ಸುತ್ತಮುತ್ತಲು ಗುರುವಾರ ರಾತ್ರಿ ಭಾರಿ ಮಳೆಯಾಗಿದ್ದು, ರೈತರಲ್ಲಿ ಸಂತಸ ಮೂಡಿಸಿದೆ.

ತಾವರೆಕೆರೆ ಗ್ರಾಮದ ಕೆರೆ ಕೋಡಿಯಲ್ಲಿ ನೀರು ಹರಿದು 20 ವರ್ಷ ಕಳೆದಿತ್ತು ಎಂದು ಹಿರಿಯರೊಬ್ಬರು ಹರ್ಷ ವ್ಯಕ್ತಪಡಿಸಿದರು. ಮಕ್ಕಳು, ವಯಸ್ಕರು ಕೆರೆ ಕೋಡಿಯ ನೀರಿನಲ್ಲಿ ಕುಣಿದು ಕುಪ್ಪಳಿಸಿದರು.

ತಾವರೆಕೆರೆಯ ಕೆರೆಗೆ ಕೆ.ಸಿ.ವ್ಯಾಲಿಯ ನೀರು ಬಿಡಲಾಗುತ್ತಿದ್ದು, ಕೆರೆಯಲ್ಲಿ ನೀರು ಸಂಗ್ರಹವಾಗಿತ್ತು. ಅದರ ಜೊತೆಗೆ ಗುರುವಾರ ರಾತ್ರಿ ಪೂರ್ತಿ ಸುರಿದ ಭಾರಿ ಮಳೆಗೆ ಕೆರೆ ತುಂಬಿದೆ. ಮುಂದೆ ಕಾಲುವೆ ಮುಚ್ಚಿಹೋಗಿರುವುದರಿಂದ ಕೆಲವು ಹೊಲಗಳಿಗೆ ನೀರು ನುಗ್ಗಿದೆ.

ಶುಕ್ರವಾರ ಬೆಳಿಗ್ಗೆವರೆಗೆ ಸೂಲಿಬೆಲೆಯಲ್ಲಿ 52.8 ಮಿ.ಮೀ, ಹೊಸಕೋಟೆ 25.8, ಜಡಿಗೇನಹಳ್ಳಿ 10.8 ಮಿ.ಮೀ ಮಳೆಯಾಗಿದೆ.