ದೇವನಹಳ್ಳಿ: ಕೆಂಪೇಗೌಡ ಅಂ.ರಾ ವಿಮಾನ ನಿಲ್ದಾಣದ ರನ್ ವೇಗೆ ನುಗ್ಗಿದ ನಾಯಿ

ದೇವನಹಳ್ಳಿ: ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್–2 ಹೊಸ ರನ್‌ ವೇಗೆ ಅಡ್ಡಲಾಗಿ ಸೋಮವಾರ ಬೀದಿನಾಯಿಯೊಂದು ನುಗ್ಗಿದೆ.

ಬೀದಿನಾಯಿಯೊಂದು ಏಕಾಏಕಿ ರನ್‌ ವೇಗೆ ನುಗ್ಗಿತು. ಈ ವೇಳೆ ರನ್‌ವೇಯಲ್ಲಿ ಯಾವುದೇ ವಿಮಾನಗಳು ಇರಲಿಲ್ಲ. ಇದರಿಂದ ಕೆಲ ಸಮಯ ಆತಂಕ ಉಂಟಾಯಿತು. ತಕ್ಷಣ ಭದ್ರತಾ ಸಿಬ್ಬಂದಿ ನಾಯಿ ಹಿಡಿದು ಪರಿಸ್ಥಿತಿ ನಿಯಂತ್ರಿಸಿದರು.

ವಿಮಾನ ನಿಲ್ದಾಣ ಹಾಗೂ ರನ್‌ವೇ ಸಮೀಪ ಬೀದಿನಾಯಿಗಳು ಓಡಾಡುತ್ತಿರುವುದು ಈಚೆಗೆ ಸಾಮಾನ್ಯವಾಗಿದೆ.