ಬೆಂಗಳೂರು ಗ್ರಾಮಾಂತರ ಕ್ಷೇತ್ರ: ಮತ್ತೆ ಗೆದ್ದ ಕಾಂಗ್ರೆಸ್, ಎಸ್ ರವಿ ಮರು ಆಯ್ಕೆ

ರಾಮನಗರ: ಬೆಂಗಳೂರು ಗ್ರಾಮಾಂತರ- ರಾಮನಗರ ಜಿಲ್ಲೆಗಳ ಸ್ಥಳೀಯ ಸಂಸ್ಥೆಗಳಿಂದ ವಿಧಾನ ಪರಿಷತ್ ಗೆ ನಡೆದ ಚುನಾವಣೆಯಲ್ಲಿ‌ ಕಾಂಗ್ರೆಸ್ ಅಭ್ಯರ್ಥಿ ಎಸ್. ರವಿ ಮರು ಆಯ್ಕೆಯಾಗಿದ್ದಾರೆ.

ರವಿ ಅವರು 722 ಮತಗಳ ಅಂತರದಿಂದ ಜೆಡಿಎಸ್ ಅಭ್ಯರ್ಥಿ ರಮೇಶ ಗೌಡ ಅವರನ್ನು ಪರಾಭವಗೊಳಿಸಿದರು. ಒಟ್ಟು 3912 ಮತಗಳು ಚಲಾವಣೆ ಆಗಿದ್ದವು. ಇದರಲ್ಲಿ 56 ಮತಗಳು ತಿರಸ್ಕೃತಗೊಂಡವು. ರವಿ ಒಟ್ಟು 2262 ಮತಗಳನ್ನು ಪಡೆದರೆ, ರಮೇಶ್ 1540 ಮತ ಪಡೆದು ನಿರಾಸೆ ಅನುಭವಿಸಿದರು. ಬಿಜೆಪಿ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ ನಾರಾಯಣಸ್ವಾಮಿ 54 ಮತ ಪಡೆಯಲಷ್ಟೇ ಶಕ್ತವಾದರು.

ವಿಧಾನ ಪರಿಷತ್‌ ಚುನಾವಣೆ| ಇಲ್ಲಿದೆ ಗೆದ್ದವರ ಪಟ್ಟಿ