ಬೆಳಗಾವಿ | ಕೋವಿಡ್‌ನಿಂದ ಗುಣಮುಖ: ಗರ್ಭಿಣಿ ಸೇರಿ ನಾಲ್ವರು ಬಿಡುಗಡೆ

ಬೆಳಗಾವಿ: ಕೋವಿಡ್–19 ಸೋಂಕು ಕಾಣಿಸಿಕೊಂಡಿದ್ದರಿಂದಾಗಿ ಇಲ್ಲಿನ ಬಿಮ್ಸ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ನಾಲ್ವರು ಸಂಪೂರ್ಣ ಗುಣಮುಖವಾಗಿದ್ದು, ಅವರನ್ನು ಭಾನುವಾರ ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗಿದೆ.

ರೋಗಿ ಸಂಖ್ಯೆ 717, 721, 1687 ಹಾಗೂ 1814 ಬಿಡುಗಡೆಯಾದವರು. ಇವರಲ್ಲಿ ಇಬ್ಬರು ತಾಲ್ಲೂಕಿನ ಹಿರೇಬಾಗೇವಾಡಿ ಗ್ರಾಮದವರು. ಒಬ್ಬರು ಚಿಕ್ಕೋಡಿಯ ಇಂಗಳಗಿ ಹಾಗೂ ಮತ್ತೊಬ್ಬರು ರಾಮದುರ್ಗ ತಾಲ್ಲೂಕಿನ ಗರ್ಭಿಣಿ’ ಎಂದು ಬಿಮ್ಸ್‌ ನೋಡಲ್ ಅಧಿಕಾರಿ ಡಾ.ಗಿರೀಶ ದಂಡಗಿ ‘ಪ್ರಜಾವಾಣಿ’ಗೆ ತಿಳಿಸಿದರು.