ಬೆಳಗಾವಿ–ನಾಸಿಕ್‌ ವಿಮಾನ 25ರಿಂದ ಕಾರ್ಯಾಚರಣೆ

ಬೆಳಗಾವಿ: ಇಲ್ಲಿನ ಸಾಂಬ್ರಾದಿಂದ ನಾಸಿಕ್‌ಗೆ ವಿಮಾನ ಕಾರ್ಯಾಚರಣೆ ಜ. 25ರಿಂದ ಆರಂಭವಾಗಲಿದೆ.

‘ಸ್ಟಾರ್‌ ಏರ್’ ಕಂಪನಿಯ ಈ ವಿಮಾನವು ಭಾನುವಾರ, ಸೋಮವಾರ ಹಾಗೂ ಶುಕ್ರವಾರ ಈ ನಗರಗಳನ್ನು ಸಂಪರ್ಕಿಸಲಿದೆ. ಸೋಮವಾರ ಹಾಗೂ ಶುಕ್ರವಾರ ಇಲ್ಲಿಂದ ಸಂಜೆ 4.40ಕ್ಕೆ ಹೊರಟು 5.40ಕ್ಕೆ ನಾಸಿಕ್ ತಲುಪಲಿದೆ. ಅಲ್ಲಿಂದ ಸಂಜೆ 6.15ಕ್ಕೆ ಹೊರಟು 7.15ಕ್ಕೆ ಬಂದು ಸೇರಲಿದೆ. ಭಾನುವಾರ ಬೆಳಿಗ್ಗೆ 9.15ಕ್ಕೆ ನಿರ್ಗಮಿಸಿ, 10.15ಕ್ಕೆ ಅಲ್ಲಿಗೆ ಸೇರಲಿದೆ. ಅಲ್ಲಿಂದ ಬೆಳಿಗ್ಗೆ 10.45ಕ್ಕೆ ಹೊರಟು, 11.45ಕ್ಕೆ ಸಂಬ್ರಾಗೆ ಬಂದಿಳಿಯಲಿದೆ. ಈಗಾಗಲೇ ಟಿಕೆಟ್ ಬುಕ್ಕಿಂಗ್ ಆರಂಭವಾಗಿದೆ.