ಯರಗಟ್ಟಿ | ಕಾರು- ಬೈಕ್ ಡಿಕ್ಕಿ: ಇಬ್ಬರ ಸಾವು

ಯರಗಟ್ಟಿ: ಯರಗಟ್ಟಿ–ಮುನವಳ್ಳಿ ರಸ್ತೆಯಲ್ಲಿನ ರೈನಾಪೂರ ಗ್ರಾಮದ ಜೂಗನವರ ತೋಟದ ಹತ್ತಿರ ಗುರವಾರ ಮಧ್ಯರಾತ್ರಿ ಕಾರು–ಬೈಕ್ ಡಿಕ್ಕಿಯಲ್ಲಿ ಬೈಕ್ ಸವಾರರಿಬ್ಬರು ಮೃತಪಟ್ಟಿದ್ದಾರೆ.

ಗೋಕಾಕ ತಾಲ್ಲೂಕಿನ ಶಿಲ್ತಿಭಾವಿ ನಿವಾಸಿಗಳಾದ ಪ್ರದೀಪ್ ಹಣಮಂತಪ್ಪ ಕುರಟ್ಟಿ(17), ಮಾರುತಿ ಸೋಮಪ್ಪ ಖರ್ಚನ್ನವರ (17) ಮೃತರು. ಅಪಘಾತದಲ್ಲಿ ಗಂಭೀರವಾಗಿ ಗಾಯಗೊಂಡ ಇವರನ್ನು  ಆಸ್ಪತ್ರೆಗೆ ಸಾಗಿಸುವಾಗ ಮಾರ್ಗಮಧ್ಯೆ ಮೃತಪಟ್ಟಿದ್ದಾರೆ. ಕಾರು ಚಾಲಕ ಪರಾರಿಯಾಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ಮುರೋಡ ಠಾಣಾದಲ್ಲಿ ಪ್ರಕರಣ ದಾಖಲಾಗಿದೆ.