ಬೆಳಗಾವಿ | ಅಂಬೇವಾಡಿಯಲ್ಲಿ ಆಸ್ತಿ ವಿಚಾರಕ್ಕೆ ಗಲಾಟೆ: 8 ಜನರಿಗೆ ಗಾಯ

ಬೆಳಗಾವಿ: ಆಸ್ತಿ ವಿಚಾರಕ್ಕೆ ಸಂಬಂಧಿಸಿ, ತಾಲ್ಲೂಕಿನ ಅಂಬೇವಾಡಿ ಗ್ರಾಮದಲ್ಲಿ ಭಾನುವಾರ ಸಹೋದರರ ಕುಟುಂಬಗಳ ಮಧ್ಯೆ ಗಲಾಟೆಯಾಗಿದೆ.

ಎರಡು ಗುಂಪಿನ ಸದಸ್ಯರು ಮಾರಕಾಸ್ತ್ರ ಬಳಸಿ ಪರಸ್ಪರ‌ ಹಲ್ಲೆ ಮಾಡಿದ್ದು, ಎಂಟು ಜನ ಗಾಯಗೊಂಡಿದ್ದಾರೆ.

'ಆಸ್ತಿ ವಿವಾದ ಹಿನ್ನೆಲೆಯಲ್ಲಿ ಗೋವಿಂದ ರಕ್ಷೆ ಮತ್ತು ಯಲ್ಲಪ್ಪ ರಕ್ಷೆ ಸಹೋದರರ ಕುಟುಂಬದವರು ಹೊಡೆದಾಡಿದ್ದಾರೆ. ಈ ಪೈಕಿ ಗಂಭೀರವಾಗಿ ಗಾಯಗೊಂಡ ಮೂವರು ಜಿಲ್ಲಾಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಸಣ್ಣ-ಪುಟ್ಟ ಗಾಯಗೊಂಡವರು ಚಿಕಿತ್ಸೆ ಪಡೆದು ಮನೆಗೆ ಮರಳಿದ್ದಾರೆ. ತನಿಖೆ ನಡೆದಿದೆ' ಎಂದು ಕಾಕತಿ ಠಾಣೆ ಇನ್ ಸ್ಪೆಕ್ಟರ್ 'ಪ್ರಜಾವಾಣಿ'ಗೆ ತಿಳಿಸಿದರು.