ಗೋಕಾಕ: ಅಪಘಾತದಲ್ಲಿ ಬೈಕ್‌ ಸವಾರ ಸಾವು

ಗೋಕಾಕ: ತರಕಾರಿ ಸಾಗಿಸುತ್ತಿದ್ದ ಪಿಕ್‌-ಅಪ್‌ ವಾಹನ ಬೈಕ್‌ಗೆ ಡಿಕ್ಕಿಯಾದ ಪರಿಣಾಮ, ಬೈಕ್‌ ಸವಾರ ಸ್ಥಳದಲ್ಲೇ ಮೃತಪಟ್ಟ ಘಟನೆ ಕಳೆದ ನಗರ ಹೊರವಲಯದ ಮಾಲದಿನ್ನಿ ಕ್ರಾಸ್‌ ಬಳಿ ಇತ್ತೀಚೆಗೆ ನಡೆದಿದೆ.

ಮೃತನನ್ನು ತಾಲ್ಲೂಕಿನ ಬೆಣಚಿನಮರಡಿ ಗ್ರಾಮದ ಪ್ರತಿಕ ಚನ್ನಬಸಪ್ಪ ರುದ್ರಾಪೂರ (26) ಎಂದು ಗುರ್ತಿಸಲಾಗಿದೆ.

ಘಟನೆ ಕುರಿತು ಮೃತನ ತಾಯಿ ಲತಾ ಚನ್ನಬಸಪ್ಪ ರುದ್ರಾಪೂರ, ಪಿಕ್‌-ಅಪ್‌ ವಾಹನ ಚಾಲಕ ಮೂಡಲಗಿ ತಾಲ್ಲೂಕಿನ ತುಕ್ಕಾನಟ್ಟಿ ಗ್ರಾಮದ ಮಂಜುನಾಥ ಗಣಪತಿ ಖಡಕಭಾಂವಿ ವಿರುದ್ಧ ಗೋಕಾಕ ಗ್ರಾಮೀಣ ಪೊಲೀಸರಿಗೆ ದೂರು ನೀಡಿದ್ದಾರೆ.