ಎಸ್ಸೆಸ್ಸೆಲ್ಸಿಯಲ್ಲಿ ಗಿರೀಶ ಪ್ರೌಢಶಾಲೆಯ ವಿದ್ಯಾರ್ಥಿಗಳಿಂದ ಸಾಧನೆ

ಪರಮಾನಂದವಾಡಿ: ಸಮೀಪದ ಖೇಮಲಾಪೂರ ಗ್ರಾಮದ ತೋಟದಲ್ಲಿರುವ ಗಿರೀಶ ಪ್ರೌಢಶಾಲೆಯ ವಿದ್ಯಾರ್ಥಿಗಳು ಎಸ್ಸೆಸ್ಸೆಲ್ಸಿ ವಾರ್ಷಿಕ ಪರೀಕ್ಷೆಯಲ್ಲಿ ಉತ್ತಮ ಶ್ರೇಣಿಯಲ್ಲಿ ತೇರ್ಗಡೆ ಹೊಂದಿದ್ದಾರೆ.

ಪ್ರಥಮ ಸ್ಥಾನವನ್ನು ಶ್ರೇಯಾ ಕುಂಚನೂರ (ಶೇ 98.04), ದ್ವಿತೀಯ ಸ್ಥಾನವನ್ನು ಪ್ರಿಯಾಂಕಾ ಬಾನಿ (ಶೇ 96.08), ತೃತಿಯ ಸ್ಥಾನವನ್ನು ಉಷಾ ಬೆಕ್ಕೇರಿ (ಶೇ 96.43) ಪಡೆದಿದ್ದಾರೆ. ಒಟ್ಟು 56 ವಿದ್ಯಾರ್ಥಿಗಳಲ್ಲಿ 14 ಮಂದಿ ಡಿಸ್ಟಿಂಕ್ಷನ್, 33 ವಿದ್ಯಾರ್ಥಿಗಳು ಪ್ರಥಮ ದರ್ಜೆ, ಮೂವರು ದ್ವಿತೀಯ ಶ್ರೇಣಿಯಲ್ಲಿ ತೇರ್ಗಡೆಯಾಗಿದ್ದಾರೆ. ಶಾಲೆಯು ಒಟ್ಟಾರೆ ಶೇ 89ರಷ್ಟು ಫಲಿತಾಂಶ ಗಳಿಸಿದೆ.