ಕಾರ್ತಿಕೋತ್ಸವ ನಾಳೆಯಿಂದ

ಗೋಕಾಕ: ಇಲ್ಲಿನ ಲಕ್ಷ್ಮಿದೇವಿ ಪಾದಗಟ್ಟಿಯ ಕಾರ್ತಿಕೋತ್ಸವವು ನ. 25ರಿಂದ 27ರವರೆಗೆ ಜರುಗಲಿದೆ. 25ರಂದು ಬೆಳಿಗ್ಗೆ 5ಕ್ಕೆ ಲಕ್ಷ್ಮಿದೇವಿಗೆ ಅಭಿಷೇಕ, 10ಕ್ಕೆ ಉಡಿ ತುಂಬುವ ಕಾರ್ಯಕ್ರಮ ಹಾಗೂ ಪಾದಗಟ್ಟಿಯಿಂದ ಆರತಿ ಹಾಗೂ ಪೂರ್ಣಕುಂಭ ಮೇಳದೊಂದಿಗೆ ‌ದೇವಸ್ಥಾನದವರೆಗೆ ಮೆರವಣಿಗೆ ನಡೆಯಲಿದೆ.

ಸಂಜೆ 6ಕ್ಕೆ ಜರುಗಲಿರುವ ಕಾರ್ತಿಕೋತ್ಸವವನ್ನು ಎಂಎಲ್‌ಸಿ ಲಖನ್ ಜಾರಕಿಹೊಳಿ ಉದ್ಘಾಟಿಸುವರು. ಶಾಸಕ ಸತೀಶ ಜಾರಕಿಹೊಳಿ ಆಗಮಿಸುವರು ಎಂದು ಸೇವಾಸಮಿತಿ ಅಧ್ಯಕ್ಷ ದೊಡ್ಡಪ್ಪ ರಾಹುತ ಪ್ರಕಟಣೆ ಮೂಲಕ ತಿಳಿಸಿದ್ದಾರೆ.