ಮಮದಾಪುರ | ಅಪಘಾತದಲ್ಲಿ ಸವಾರ ಸಾವು

ಮಮದಾಪುರ: ಸಮೀಪದ ಕೊಳವಿ ಬಳಿ ರಸ್ತೆಬದಿ ಸೋಮವಾರ ರಾತ್ರಿ ನಿಲ್ಲಿಸಿದ್ದ ನೀರಿನ ಟ್ಯಾಂಕರ್‌ಗೆ ಹಿಂಬದಿಯಿಂದ ಬೈಕ್ ಹೊಡೆದ ಪರಿಣಾಮ ಸವಾರ ಸ್ಥಳದಲ್ಲೇ  ಮೃತಪಟ್ಟಿದ್ದಾರೆ.

ಚನ್ನಮ್ಮನ ಕಿತ್ತೂರು ತಾಲ್ಲೂಕಿನ ಎಂ.ಕೆ. ಹುಬ್ಬಳ್ಳಿಯ ಪ್ರಕಾಶ ಶಂಕರೆಪ್ಪ ಬಡಿಗೇರ(51) ಮೃತರು.

ಎಂ.ಕೆ.ಹುಬ್ಬಳ್ಳಿಯಿಂದ ನೇಸರಗಿ, ಗೋಕಾಕ ಮಾರ್ಗವಾಗಿ ಕೊಣ್ಣೂರಿಗೆ ಅವರು ತೆರಳುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಗೋಕಾಕ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.