ಬೆಳಗಾವಿ | ಬೆಂಬಲ ಬೆಲೆ ಯೋಜನೆ: ತೊಗರಿ ಖರೀದಿಗೆ ಏಳು ಕೇಂದ್ರ ಆರಂಭ

ಬೆಳಗಾವಿ: ಕೇಂದ್ರ ಸರ್ಕಾರದ ಬೆಂಬಲ ಬೆಲೆ ಯೋಜನೆಯಡಿ ಎಫ್‌ಎಕ್ಯೂ ಗುಣಮಟ್ಟದ ತೊಗರಿ ಖರೀದಿಗೆ ಜಿಲ್ಲೆಯಲ್ಲಿ ಏಳು ಕೇಂದ್ರಗಳನ್ನು ಆರಂಭಿಸಲಾಗಿದೆ.

ಅಥಣಿ ತಾಲ್ಲೂಕಿನ ಕಟಗೇರಿ, ಕನ್ನಾಳ, ತೆಲಸಂಗ, ಕೊಟ್ಟಲಗಿ, ಕಕಮರಿ, ರಾಮದುರ್ಗ ತಾಲ್ಲೂಕಿನ ಹುಲಕುಂದ ಪಿಕೆಪಿಎಸ್‌ಗಳು ಹಾಗೂ ರಾಮದುರ್ಗದ ಟಿಎಪಿಸಿಎಂಎಸ್‌ನಲ್ಲಿ ಕೇಂದ್ರ ಆರಂಭವಾಗಿವೆ.

ತೊಗರಿ ಕ್ವಿಂಟಲ್‌ಗೆ ₹8,000 ದರವಿದೆ. ಡಿ.18ರಿಂದ 80 ದಿನಗಳವರೆಗೆ ನೋಂದಣಿ ಅವಧಿ ಮತ್ತು 90 ದಿನಗಳವರೆಗೆ ಖರೀದಿ ಅವಧಿ ಇದೆ. ಮಾಹಿತಿಗೆ 9449864471 ಸಂಪರ್ಕಿಸಬಹುದು ಎಂದು ಕೃಷಿ ಮಾರಾಟ ಇಲಾಖೆ ಉಪನಿರ್ದೇಶಕ ಮಹಾದೇವಪ್ಪ ಚಬನೂರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.