ಬೆಳಗಾವಿ: ಆತ್ಮಶುದ್ಧಿಯ ಮಾಸ ರಂಜಾನ್
ವಿವಿಧೆಡೆ ಮಸೀದಿಗಳಿಗೆ ಸಿಂಗಾರ, ವಿಶೇಷ ಪ್ರಾರ್ಥನೆ; ಇಫ್ತಾರ್ ಕೂಟಗಳ ಆಯೋಜನೆ
ಬೆಳಗಾವಿ: ಇಸ್ಲಾಂ ಧರ್ಮದ ಪವಿತ್ರ ಮಾಸ ರಂಜಾನ್. ಇದರ ಪ್ರಯುಕ್ತ, ಜಿಲ್ಲೆಯ ಮುಸ್ಲಿಮರ ಮನೆಗಳಲ್ಲೀಗ ಸಂಭ್ರಮ ಮನೆಮಾಡಿದೆ. ಮುಸ್ಲಿಮರು ಅಧಿಕ ಸಂಖ್ಯೆಯಲ್ಲಿ ನೆಲೆಸಿರುವ ಬಡಾವಣೆಗಳು, ಮಾರುಕಟ್ಟೆ ಪ್ರದೇಶ ಮತ್ತು ಮಸೀದಿಗಳು ವಿದ್ಯುದ್ದೀಪಗಳ ಅಲಂಕಾರದಿಂದ ಝಗಮಗಿಸುತ್ತಿದ್ದು, ಎಲ್ಲೆಡೆ ಹಬ್ಬದ ವಾತಾವರಣ ನಿರ್ಮಾಣವಾಗಿದೆ.
ಇಸ್ಲಾಂ ಧರ್ಮದ ಐದು ಕಡ್ಡಾಯಗಳಲ್ಲಿ ಉಪವಾಸ ವ್ರತವೂ(ರೋಜಾ) ಒಂದು. ಮುಸ್ಲಿಮರು ಕಳೆದ 21 ದಿನಗಳಿಂದ ತಪ್ಪದೆ ರೋಜಾ ಮಾಡುತ್ತಿದ್ದಾರೆ. ನಿತ್ಯ ನಸುಕಿನ ಜಾವ ಎದ್ದು ‘ಸಹರಿ’ ಮಾಡುವ ಅವರು, 13 ತಾಸಿಗಿಂತ ಹೆಚ್ಚು ಹೊತ್ತು ಹನಿ ನೀರನ್ನೂ ಕುಡಿಯದೇ ಉಪವಾಸ ಆಚರಿಸುತ್ತಿದ್ದಾರೆ.
ಇದರೊಂದಿಗೆ ಮುಂಜಾವಿನಿಂದ ರಾತ್ರಿಯವರೆಗೆ ಐದು ಬಾರಿ ಪ್ರಾರ್ಥನೆ(ಫಜರ್‌, ಜೋಹರ್‌, ಅಸರ್‌, ಮಗರೀಬ್‌ ಮತ್ತು ಇಶಾ) ಸಲ್ಲಿಸುತ್ತಿದ್ದಾರೆ. ಪುರುಷರು ಮಸೀದಿಗಳಿಗೆ ತೆರಳಿ ಪ್ರಾರ್ಥಿಸಿದರೆ, ಮಹಿಳೆಯರು ಮನೆಯಲ್ಲೇ ಪ್ರಾರ್ಥಿಸಿ ಅಲ್ಲಾಹುವಿನ ಕೃಪೆಗೆ ಪಾತ್ರರಾಗುತ್ತಿದ್ದಾರೆ. ಅಲ್ಲದೇ, ಪ್ರತಿದಿನ ರಾತ್ರಿ ರಂಜಾನ್ ಮಾಸದಲ್ಲಷ್ಟೇ ಮಾಡುವ ‘ತರಾವೀಹ್‌’ ವಿಶೇಷ ಪ್ರಾರ್ಥನೆ ಸಲ್ಲಿಸುತ್ತಿದ್ದಾರೆ. ಇದರೊಂದಿಗೆ ಪವಿತ್ರ ಗ್ರಂಥ ‘ಕುರ್‌ಆನ್‌’ ಪಠಿಸುವ ಜತೆಗೆ, ಅಲ್ಲಾಹುವಿನ ಸ್ಮರಣೆಯಲ್ಲಿ ತೊಡಗಿದ್ದಾರೆ.
ನಮ್ಮಲ್ಲಿ ಜಾತಿ ಭೇದವಿಲ್ಲ. ಪ್ರತಿ ವರ್ಷದಂತೆ ಈ ಸಲವೂ ಮಾರ್ಚ್ 25ರಂದು ರಾಮತೀರ್ಥ ನಗರದಲ್ಲಿ ಇಫ್ತಾರ್ ಕೂಟ ಆಯೋಜಿಸಿದ್ದೇನೆಸುರೇಶ ಯಾದವ ಅಧ್ಯಕ್ಷ ಸುರೇಶ ಯಾದವ ಫೌಂಡೇಷನ್‌
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.