ಆರು ಜನ ಸುಲಿಗೆಕೋರರ ಬಂಧನ

ಆನೇಕಲ್‌: ತಾಲ್ಲೂಕಿನ ಜಿಗಣಿ ಹಾಗೂ ಎಲೆಕ್ಟ್ರಾನಿಕ್‌ ಸಿಟಿಯ ಕೈಗಾ­ರಿಕಾ ಪ್ರದೇಶಗಳಲ್ಲಿ ಸಾರ್ವಜನಿ­ಕ­ರನ್ನು ಸುಲಿಗೆ ಮಾಡುತ್ತಿದ್ದ ಆರು ಜನ ದುಷ್ಕರ್ಮಿಗಳನ್ನು ಜಿಗಣಿ ಪೊಲೀಸರು ಮಂಗಳವಾರ ಬಂಧಿಸಿದ್ದಾರೆ.

ಆರೋಪಿಗಳನ್ನು ಬೆಂಗಳೂರಿನ ಹೊಂಗ­ಸಂದ್ರದ ಬಾಲಾಜಿ ಬಡಾವ­ಣೆಯ ಎಂ. ಪ್ರತಾಪ್‌ (20), ರಾಜೇಂದ್ರ ಪ್ರಸಾದ್‌ (18), ರಂಜಿತ್ ಕುಮಾರ್‌ ಅಲಿಯಾಸ್‌ ಬಂಬು (19), ಅಜಯ್‌ಕುಮಾರ್‌ (19), ವಿರಾ­ಟ್‌ನಗರದ ಶಂಕರ್‌ (19) ಮತ್ತು ಮಾಸ್ತೇನಹಳ್ಳಿ ದಿನ್ನೆಯ ಡ್ರೈವರ್ ಶ್ರೀಕಾಂತ್‌ (19) ಎಂದು ಗುರುತಿಸಲಾಗಿದೆ.

‘ಆರೋಪಿ­ಗಳಾದ ಜೋಸೆಫ್‌, ವೆಂಕಟೇಶ್‌ ಮತ್ತು ಚಂದ್ರಶೇಖರ್ ತಲೆ ಮರೆಸಿ­ಕೊಂಡಿ­ದ್ದಾರೆ. ಅವರನ್ನು ಶೀಘ್ರವೇ ಪತ್ತೆಹಚ್ಚಲಾಗುವುದು’ ಎಂದು ಬೆಂಗಳೂರು ಗ್ರಾಮಾಂತರ ಜಿಲ್ಲಾ ಎಸ್ಪಿ ರಮೇಶ್‌ ಬಾನೋಟ್‌ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.