ಎ.ಸಿ ಘಟಕ ಕದ್ದು ಮಾರಾಟ: ಬಂಧನ

ಬೆಂಗಳೂರು: ಹವಾನಿಯಂತ್ರಿತ (ಎ.ಸಿ) ಘಟಕ ಹಾಗೂ ನೀರಿನ ಮೋಟರ್ ಪಂಪ್ ಕಳ್ಳತನ ಮಾಡಿದ್ದ ಆರೋಪದಡಿ ಸೈಯದ್ ಸುಹೇಲ್ (28) ಎಂಬುವವರನ್ನು ವಿಲ್ಸನ್ ಗಾರ್ಡನ್ ಠಾಣೆ ಪೊಲೀಸರು ಬಂಧಿಸಿದ್ದಾರೆ.

‘ಸ್ಥಳೀಯ ನಿವಾಸಿ ಸುಹೇಲ್, ಮೋಟರ್ ಪಂಪ್ ದುರಸ್ತಿ ಅಂಗಡಿಯಲ್ಲಿ ಕೆಲಸ ಮಾಡುತ್ತಿದ್ದ. ಸಂಬಳ ಸಾಲದಿದ್ದರಿಂದ ಹೆಚ್ಚು ಹಣ ಗಳಿಸಲು ಇತ್ತೀಚೆಗೆ ಕೃತ್ಯ ಎಸಗಿದ್ದ. ಈತನನ್ನು ಬಂಧಿಸಿ, ₹ 1.60 ಲಕ್ಷ ಮೌಲ್ಯದ ಎ.ಸಿ ಘಟಕ ಹಾಗೂ ಮೋಟರ್ ಪಂಪ್ ಜಪ್ತಿ ಮಾಡಲಾಗಿದೆ’ ಎಂದು ಪೊಲೀಸರು ಹೇಳಿದರು.