ಬಾಲಮಂದಿರದ ಬಾಲಕರು ಪರಾರಿ

ಬೆಂಗಳೂರು: ನಗರದ ಮಡಿವಾಳ ಬಾಲಮಂದಿರದಲ್ಲಿದ್ದ ಐವರು ಬಾಲಕರು ಶುಕ್ರವಾರ ಬೆಳಿಗ್ಗೆ ಪರಾರಿಯಾಗಿದ್ದು, ಅವರಿಗಾಗಿ ಮಡಿವಾಳ ಠಾಣೆ ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ.

ಬಾಲಕರೆಲ್ಲ 16ರಿಂದ 18 ವಯಸ್ಸಿನವರಾಗಿದ್ದು, ಬಾಲಮಂದಿರದ ಮುಖ್ಯ ಬಾಗಿಲು ಮೂಲಕವೇ ಅವರು ಹೊರಗೆ ಹೋಗಿದ್ದಾರೆ ಎನ್ನಲಾಗಿದೆ.

‘ಬಾಲಕರು ಪರಾರಿಯಾದ ಬಗ್ಗೆ ಬಾಲಮಂದಿರದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಕೆಲವು ಮಕ್ಕಳ ಬಗ್ಗೆ ಮಾಹಿತಿ ಸಿಕ್ಕಿದೆ. ಉಳಿದವರನ್ನು ಹುಡುಕುತ್ತಿದ್ದೇವೆ’ ಎಂದು ಮಡಿವಾಳ ಪೊಲೀಸರು ಹೇಳಿದರು.