ಬಿಬಿಎಂಪಿ: ವಿಂಗಡಣೆ ಬಳಿಕ ಮೊದಲ ವಾರ್ಡ್ ಸಮಿತಿ ಸಭೆ

ಬೆಂಗಳೂರು: ವಾರ್ಡ್ ಮರುವಿಂಗಡಣೆ ಪ್ರಕ್ರಿಯೆ ಮುಗಿದ ಬಳಿಕ ಹೊಸ ವಾರ್ಡ್‌ ಸಮಿತಿ ಸಭೆಗಳು ಶನಿವಾರ ನಡೆದವು.

ವಾರ್ಡ್ ಸಮಿತಿಗಳನ್ನು ಬಲಪಡಿಸಲು ಹಿರಿಯ ಅಧಿಕಾರಿಗಳನ್ನು ಬಿಬಿಎಂಪಿ ನೇಮಕ ಮಾಡಿತ್ತು. ಜನಾಗ್ರಹ ಸಂಘಟನೆ ನೀಡಿರುವ ಮಾಹಿತಿ ಪ್ರಕಾರ 222 ವಾರ್ಡ್‌ಗಳಲ್ಲಿ ಸಭೆಗೆ ಪ್ರಕಟಣೆ ಹೊರಡಿಸಲಾಗಿತ್ತು. ಈ ಪೈಕಿ 150ರಿಂದ 160 ವಾರ್ಡ್‌ಗಳಲ್ಲಿ ಸಭೆಗಳು ಯಶಸ್ವಿಯಾಗಿ ನಡೆದಿವೆ.

‘ಹಲವು ಸಭೆಗಳಲ್ಲಿ ವಲಯ ಆಯುಕ್ತರು ಮತ್ತು ಜಂಟಿ ಆಯುಕ್ತರು ಹಾಜರಿದ್ದರು. ನಾಗರಿಕರು ಭಾಗವಹಿಸಿ ಸ್ಥಳೀಯ ಸಮಸ್ಯೆಗಳನ್ನು ಪರಿಹರಿಸಲು ಉತ್ಸುಕರಾಗಿದ್ದಾರೆ. ವಾರ್ಡ್ ಸಮಿತಿ ಸದಸ್ಯರನ್ನು ಮಾತ್ರ ಆಹ್ವಾನಿಸುವ ಬದಲು ಎಲ್ಲಾ ನಾಗರಿಕರನ್ನು ಆಹ್ವಾನಿಸುವುದು ಸೂಕ್ತ’ ಎಂದು ಜನಾಗ್ರಹ ಅಭಿಪ್ರಾಯಪಟ್ಟಿದೆ.