ಬೆಂಗಳೂರು: ಭಕ್ತಿಗೀತೆ, ಭಜನಾ ಕಾರ್ಯಕ್ರಮ

ಬೆಂಗಳೂರು: ಹೊಸ ವರ್ಷದ ಪ್ರಯುಕ್ತ ಎಚ್‌ಬಿಆರ್ ಲೇಔಟ್‌ನ ಇಸ್ಕಾನ್‌ನಲ್ಲಿ ಎರಡು ದಿನ ವಿವಿಧ ಕಾರ್ಯಕ್ರಮಗಳು ನಡೆದವು.

ಡಿ. 31 ಮತ್ತು ಜ.1ರಂದು ಭಕ್ತಿಗೀತೆಗಳು ಮತ್ತು ಭಜನಾ ಕಾರ್ಯಕ್ರಮ ನೆರವೇರಿತು. ಯುವಜನರು ಹಾಗೂ ಹಿರಿಯರು ಹೊಸ ವರ್ಷವನ್ನು ಸಂಭ್ರಮದಿಂದ ಸ್ವಾಗತಿಸಿದರು.

‘ಭಕ್ತಿ ಬಾಷ್’ ಕಾರ್ಯಕ್ರಮ ಭಕ್ತರಲ್ಲಿ ಸಂತಸದ ವಾತಾವರಣ ಸೃಷ್ಟಿಸಿತು. ರಷ್ಯಾ ತಂಡದ ಸಂಗೀತ ಪ್ರದರ್ಶನ ಪ್ರಮುಖ ಆಕರ್ಷಣೆಯಾಗಿತ್ತು. ಅಭಿಮಾನಿಗಳು ಸಂಭ್ರಮಿಸಿದರು. ಭಕ್ತಿಗೀತೆಗಳಿಗೆ ನೆರದಿದ್ದ ಸಾವಿರಾರು ಭಕ್ತರು ತಲೆದೂಗಿದರು.