ಐಐಎಸ್‌ಸಿ ಪರಿಷತ್‌ನ ಸದಸ್ಯರಾಗಿ ಸಂಸದ ಜಿ.ಕುಮಾರ ನಾಯಕ, ತೇಜಸ್ವಿ ಸೂರ್ಯ ಆಯ್ಕೆ

ನವದೆಹಲಿ: ಬೆಂಗಳೂರಿನ ಭಾರತೀಯ ವಿಜ್ಞಾನ ಸಂಸ್ಥೆಯ (ಐಐಎಸ್‌ಸಿ) ಪರಿಷತ್‌ನ ಸದಸ್ಯರಾಗಿ ರಾಯಚೂರು ಸಂಸದ ಜಿ.ಕುಮಾರ ನಾಯಕ ಹಾಗೂ ಬೆಂಗಳೂರು ದಕ್ಷಿಣ ಸಂಸದ ತೇಜಸ್ವಿ ಸೂರ್ಯ ಚುನಾಯಿತರಾಗಿದ್ದಾರೆ. 

ಸಂಸ್ಥೆಗೆ ಲೋಕಸಭೆಯಿಂದ ಇಬ್ಬರನ್ನು ಚುನಾವಣೆ ಮೂಲಕ ಆಯ್ಕೆ ಮಾಡಲಾಗುತ್ತದೆ. ಈ ಸಲ ನಡೆದ ಚುನಾವಣೆಯಲ್ಲಿ ಇವರಿಬ್ಬರು ಮಾತ್ರ ನಾಮಪತ್ರ ಸಲ್ಲಿಸಿದ್ದರು. ಅವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.