ದಾಬಸ್ ಪೇಟೆ: ಚಿರತೆ ದಾಳಿಗೆ ನಾಯಿ ಬಲಿ

ದಾಬಸ್ ಪೇಟೆ: ಶಿವಗಂಗೆ ಪಂಚಾಯಿತಿ ವ್ಯಾಪ್ತಿಯ ಗೌರಾಪುರ ಗ್ರಾಮದಲ್ಲಿ ಶುಕ್ರವಾರ ರಾತ್ರಿ ಚಿರತೆಯೊಂದು ನಾಯಿಯನ್ನು ಸಾಯಿಸಿದೆ.

ಗ್ರಾಮದ ಬಸವಣ್ಣ ದೇವಾಲಯದ ಹಿಂಭಾಗದಲ್ಲಿ ಚಿರತೆಯು ನಾಯಿಯನ್ನು ಹಿಡಿದು, ಎಳೆದುಕೊಂಡು ಹೋಗಿ ಒಂದಷ್ಟು ದೂರದಲ್ಲಿ ಬಿಟ್ಟು ಹೋಗಿದೆ.

ನಾರಾಯಣಪ್ಪ ಅವರ ಮನೆಯ ಬೀದಿಯಲ್ಲಿ ಈ ನಾಯಿ ಇರುತ್ತಿತ್ತು. ಹೀಗಾದರೆ ದನ–ಕರು, ಕುರಿ–ಮೇಕೆ ಸಾಕುವುದು ಹೇಗೆ ಎಂದು ಗ್ರಾಮದ ರುದ್ರೇಶ್ ಪ್ರಶ್ನಿಸಿದರು. 

‘ಇತ್ತೀಚೆಗೆ ಶಿವಗಂಗೆ ಸುತ್ತಮುತ್ತ ಚಿರತೆಗಳು ಕಾಣಿಸಿಕೊಳ್ಳುತ್ತಿದ್ದು, ಸಾಕು ಪ್ರಾಣಿಗಳ ಮೇಲೆ ದಾಳಿ ಮಾಡುತ್ತಿವೆ. ಸಂಜೆಯಿಂದಲೇ ಒಂಟಿಯಾಗಿ ಓಡಾಡಲು ಭಯವಾಗುತ್ತಿದೆ’ ಎಂದು ಗ್ರಾಮಸ್ಥರು ಆತಂಕ ವ್ಯಕ್ತಪಡಿಸಿದರು.