ಬೆಂಗಳೂರು ಸಿಸಿಬಿ ಪೊಲೀಸರಿಗೆ ಹೊಸ ಜಾಕೆಟ್

ಬೆಂಗಳೂರು: ನಗರದಲ್ಲಿ ನಡೆಯುವ ಅಪರಾಧ ಭೇದಿಸುವ ನಗರದ ಸಿಸಿಬಿ‌ ಪೊಲೀಸರಿಗೆ ಪ್ರತ್ಯೇಕ ಜಾಕೆಟ್ ನೀಡಲಾಗಿದೆ. ಇದನ್ನು ಧರಿಸಿಯೇ ಸಿಸಿಬಿ ಸಿಬ್ಬಂದಿ ಇನ್ನು‌ ಮುಂದೆ ಕೆಲಸ ಮಾಡಲಿದ್ದಾರೆ.

ಕಮಿಷನರ್ ಕಮಲ್ ಪಂತ್ ಅವರು ಸಿಬ್ಬಂದಿಗಳಿಗೆ ಜಾಕೆಟ್‌ಗಳನ್ನು ಸೋಮವಾರ ವಿತರಿಸಿದರು.

ಭ್ರಷ್ಟಾಚಾರ ನಿಗ್ರಹ ದಳದ (ಎಸಿಬಿ) ಪೊಲೀಸರು ಈಗಾಗಲೇ ಪ್ರತ್ಯೇಕ ಜಾಕೆಟ್ ಧರಿಸಿ ಕಾರ್ಯಾಚರಣೆ ನಡೆಸುತ್ತಿದ್ದಾರೆ. ಅದೇ ಮಾದರಿಯಲ್ಲೇ ಬೆಂಗಳೂರು ಸಿಸಿಬಿ ಪೊಲೀಸರು ಜಾಕೆಟ್ ಬಳಸಲಿದ್ದಾರೆ.

'ಡ್ರಗ್ಸ್ ಹಾಗೂ ಅಕ್ರಮಗಳ ವಿರುದ್ಧ ಕಾರ್ಯಾಚರಣೆ ನಡೆಸುವಾಗ ಪೊಲೀಸರು, ಈ ಜಾಕೆಟ್ ಧರಿಸಲಿದ್ದಾರೆ. ಕಾರ್ಯಾಚರಣೆ ವೇಳೆ ಸಿಬ್ಬಂದಿಯನ್ನು ಗುರುತಿಸುವುದು ಸುಲಭವಾಗಲಿದೆ' ಎಂದು ಸಿಸಿಬಿ‌ ಜಂಟಿ ಕಮಿಷನರ್ ರಮಣ್ ಗುಪ್ತಾ ಹೇಳಿದರು.